خواني والله كتبت هذا الموضوع من كثر ما سمعت وشفت البلاوي..طبعا الحين البر ما عليه كلام ماشاء الله والناس مستانسه وماشاء الله لاعبين بالبر كله ومطفشين حتى البهايم..من الناحيه هاي بنقووول ما عليه الناس تبغي تستانس…
بسسس الي ابغي اقوله مب كل واحد ولده الصغير ولا بنته قالت له ابغي دراجه سار واشترالهم وقال برايه عيالي واحبهم وباخذلهم للأسف انا اقولك انك ما اتحبهم ولو كنت اتحبهم ما بتشتريلهم…
انا الحين بس يومين وسمعت كم حادث الي ماتو عياله والي اتكسرو وحتى الشباب الي منكسر كتفه والي متكسرات الضلوعه وهذا بس يومين الله يستر من باقي العطله…
خواني هاي الدراجات تعتبر سياره صغيره انت كيف اتسلمها ولدك الي احليله ما ايروم ايسيطر عليها واتقول برايه خلوه يستانس ..
والحين مثل ما اتعرفون البر مب مثل اول الحين وين ما اتسير تلقاهم حافرين ومبهدلين الدنيا بهاي المدن وغيره وانت اتسوق ولا ولدك وتتفاجأ ب القص جدامه ولا حفره كبيره حافرنها الشيول وايطيح داخلها وطيح الدراجه عليه وتعدمه..والله شي يفجع البارحه في السره ريال مخلي عياله على دراجات بنتين و ولد ويتسابقون وادعمو كلهم الولد مات حليله والبنات وحده انكسرت ريلها وحده نزيف عندها ..لو شفتو كيف حال الابو والله شي ايعور القلب..
يا ناس هالله هالله في عماركم وفي عيالكم لا تخلون الاجازه تتحول من سعاده الين حزن
لاحول ولا قوة الا بالله العلي العظيم
شكرا اختي على النصحيه
وفعلا اختي انا من فتره كنت بمنطقة عوافي براس الخيمة
وشفت العجب كنت مار هناك
وشفت شلة اصغاريه كل واحد عنده دراجه والذي امركب اخته او اخوه
وجالسين يحوطون وخاصه هذي المنطقه خطره بسبب ازدحامه بسيارات
والله المستعان
والله يا اخوي الي ما بيسمع الرمسه على راحته ..احنا الحين من بدت هاي الاجازه كم واحد وكم وحده سمعناهم ماتو والسبب الدرجات
قبل بنت كبيره مب صغيره يعني تقريبا 22 عمرها اتسوق في البر وطاحت في قص وطاحت على قلبها الدراجه وعدمتها
ومن يومين بنتين ويا اخوهم الولد مات والبنتين وحده كسر في الفخذ وحده نزيف
واحد من المعارف كسر في 3 ضلوع
والي كسر في ايده
واحد من الصغاريه ما قدر يتحكم في الدراجه دعم وانقص لسانه
والي والي والي والي الين باجر ما بنخلص على الاقل يمكن حد يقرا الموضوع ويحاسب على اهله…
الحين المشكله انه البر مب مثل اول الحين الشياول والشاحنات مبهدلين البر مكان حافرين ومكان قاصين ومكان محطين كيابل الكهرباء يعني الدنيا خبصه في البر والسبب مدنهم الي ما اتخلص
الله يجــــــــــــزيج الخـــــــــــير على كلامج …
بس أرد وأقولج منو بيسمع رمستــــــــــــــــج ..
2 3 4 من الناس والباقــــــــــــي ولا على البال …
السالفه موب هينه ولا إنها بسيــــطه ,, صغاريه يموتون جدام
عيون أهلهم والنتيجه هالدراجـــــــــات .. لو بنسوي استبيان
في الفتره الأخيره بنلاحظ أكثـــر الوفيات شباب وصغاريه موب شياب …
ومعظم الحوادث من الدراجات والشباب المراهقين إلي ما عندهم لياسن …
والله في السره مطفشين الخلق ..بس احنا ما نتكلم عن الازعاج انقولهم خلهم يستانسون لكن البر كله حفريات وقصوص والناس ما تدرين وما تنتبه الا وهي في القص…