السلام عليكم ورحمة الله وبركاته
تغشي يابنيه هذا مواااااااااطن
افااااا يعني المواطن حرام والأجنبي حلال !!!
الموضوع صريح ويتحدث عن واقع نعيشه
وهنا بنقل لكم بعض المشــــاهد الي عايشينها
المشهد الأول …
بنيه لا حيا ولا مستحه ترمس ويا الاجانب وتضحك ودق سوااااالف … ومن يدخل المواطن تتغشى وتاكل تبن !!!( حلييله المواطن )
مع انهم إثنينتهم رياييل . وتغشي يا بنيه هاااااااا مواااااااااطن
المشهد الثاني ..
حرمه تظهر جدام الدريول ولا الطباااخ بملابس البيت لا شيله ولا عبايه ولاااا اي ستر بحجه انه اجنبي !!!
عادي تكلمه بدون ما تتغطى عنـه أو أي شي يكـون ساتر بينـهم ولو دق الباب مواطـــــــن قالوا
تغطــي يا بنت هااااااااا موااااااااطن ويا الفشيلــــــــــة ( شو ازراعيل قرب )
المشهد الثالث ..
بنت تطلب عشاء من أحد المطاعم وطبعا ايي عامل توصيل الطلبات تظهرله و تستقبل وتأخذ
منه الطلب مع الشكر والتقدير ولو كان مواااطن احد الاطفال راح يطلع له او البشكارة .. وتغشي يا بنت
هاااااااا مواااااااااطن
المشهد الرابع ..
مجموعه من الفتيات في أحد المجمعات أو في أي مكان يبون يسألوا عن شي صادفوا
شخص لابس جينز وقميص لو سمحت
يرد :- مرحبــــــــــــــا الســــــــــاع
اوووه آآآآسفين وتغشي يا بنيه موااااااااااااااطن
ياويلي طلع مواااااااااااطن
ليش هذاك ما كان ريال
وغيرها من المشاهد لاتــعد ولاتحصــى ..
قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على
خلق ومحترمه لكن مالقت من يوجهها إن معامله الأجنبي لازم اتكون شرات ما حدد الشرع
اعذروني اخواني واخواتي هذا الواقع الذي نعيشــه .. والله مانقلت لكم المشاهد الا انا
شاهدتها بنفسي والاكثــريـه شاهدوهـــا .. !!
المشكله والله ..( هندي + فلبيني + سوري + لبناني+ مصري)عادي مولازم تغطي هذا
أجنبي ..
( مواااااااااطن ) ياويييلي فضيحـــــــــــة !!!!!!!!
وووواكيد هاالظاهره الغريبـــــــة موجود فكل الدول الخليجية
والسمووووحه منكم
هذا نابع من التربيه،
الوحده من صغرها و هي تشوف البشكار و الدريول و المزارع و غيره و غيره من الهنود يشتغلون عندهم و ما بينهم كلافه.
الدريول يوديها من صغرها للمدرسه. البشكار كل يوم ميلّس في نص البيت بلا حسيب ولا رقيب.
بينما، المواطن، من النادر تشوفه البنت من صغرها لين تكبر.
فـ شي طبيعي تلقى هالفئه منفتحه على الهنود و منغلقه على المواطنين.
بعطيك مثال أعيشه يوميا،
ياري ريال و النعم فيه. بس لاحظت عليه شي ما عيبني.
الريال فلّته مكونه من طابقين فقط (بدون ملحق). دوامه في بوظبي و مسكّن الدريول عنده !!
في حالة إحتياجه لـ عامل معيّن (سبّاك مثلا)، ياخذ إجازه من دوامه عشان يكون متواجد في البيت وقت شغل العامل. في حين ما يخاف على أهله من الدريول اللي كل يوم في بيته !!!
بكل صراحه،
أنا أرثى لحال هالناس و أدعولهم بالرشاد.
اللهم أرنا الحق حقا و ارزقنا إتباعه، و أرنا الباطل باطلا و ارزقنا اجتنابه.
يستحون يمكن هالمواطن يي يخطبهم فيوم من الايام خخ
للاسف ياخذن راحتهن عند الوافدين وعند المواطنين يضايجون يعني
حشى المواطن يخرع وايد هالايام خخ
اشكررررركم على تعليقكم عالموضوع
للاسف هذا اللي نعاني منه من بعض الحريم عندنا فالخليج صدج انهم نص مخ
النص الغبي اللي فمخهم يخليهم مايتغشون من الوافدين بس من يطلع المواطن يشتغل نص المخ الذكي ويخليهم يتغشون خخخ المفروض مايهمشون السائق ويعتبرونه ريال ومايصلح يشووف اي شي فيهم الستر زين
اشكرك على تعليقك على الموضوع
المهم يشوف الويه
وليش المواطن ماتبونه يشوف الويه
ومب كل المواطنين يبقبقون عيونهم الحمدالله شايفين خير ومنهم المتدين
بس دام الحرمه بتتغشى ياتتغشى من كل ريال يا ماتتغشى بالاساس
اشكرج على مروررررج