يا جماعة الخير ترى قسم البيع يقهر

السلام عليكم ورحمة الله وبركاته

طبعاً انا نادر ما ادش موقع البيع والشراء والسبب اني احس ان الاعضاء وايد يبالغون في الاسعار وصدق اتغايض واطلع بمجرد ما ادش واشوف شيء مبالغ فيه ،

يا جماعه ما انحط قسم البيع والشراء الا لتسهيل بيع البضاعه على البائع ، وسهولة الشراء من قبل المشتري يعني ، فيه وايد حريم ما عندهم وقت او بالاصح ما يحبن حواطة الاسواق فتلقينها تتحوط في المنتديات لشراء بعض الحاجيات ، ( طبعاً مضطره ) لانه مافي موقع رسمي الواحد يعتمد عليه ، يعني مب شرات البلدان الثانيه الاوربيه حتى الخضروات تيهم عن طريق الاوردر من النت ، وها الشيء اللي استغرب منه اللي لين الحين ما وصلنا له ، وان وصلنا في بعض المواقع اتكون الاسعار مبالغ فيها جداً

معظم اللي في قسم البيع والشراء من اخوانا واخواتنا المواطنين اللي دوم يشتكون من غلاء الاسعار

طيب

انته بعد بسلعتك رفعت السعر ، يعني ما ينلام الهندي والا غيره اذا رفع عليكم الاسعار اذا ولد بلادك طماع فيك ما بيطمعون الاجانب ،

حتى مب في النت حتى في الحياة الخارجيه اذا شفت تجاره لمواطن تتجنبه ليش ؟ وشو السبب ؟ اتعرف انه مبالغ في اسعاره

اتعرفون شو اللي اثارني ، اليوم وبصراحه دشيت موضوع لاخت تبيع سوالف نسائية ، المشكله اني بس من يومين شفت ها الشيء في ( سوق الجمله ) في دبي كنت فاضيه وقلت اتجول اهناك

شفت يا جماعة الخير ها الغرض الدرزن ب 120 درهم يعني 12 حبه ب 120 درهم

اتخيلو انصعقت بدشتي لموضوعها تدرون بكم اتبيع الحبه ، ب 100 درهم

ليش !

يعني بعد مب ماخذه 50% قوف الربح والله يغمضوني اللي يشترون صدق مستغفلينهم !

يا جماعة الخير المفروض انحط ايدنا بايد بعض مب نستغل بعض

فعلاً المفروض اتصير رقابه على ها النوعيه من الاقسام ،

وبس !

ملاحظه ، ترى زادو الجماعة اللي يهوسون على فص شـكــ وبارك الله فيك ـــرا لك … لك مني أجمل تحية .

لزيادة المشاركات ، شو سباق هو والا ، بتعطون هديه للي بيوصل ال 10000 مشاركه