السلام عليكم
بغيت افتح خياط رجالي .. بس متردده لن المكان شوي منقطع ولكن اللي خلاني افكر في هالشي انه قريب من سكن الطلاب الجامعي وفيه مقهى وفي صالونات حلاقه و مغاسل البسه واشوف وايد شباب هناك .. انا كنت بفتح خياط نسائي ..لكن قلت الخياط الرجالي يمكن يكون احسن.. شو رايكم؟؟
ولو فتحت خياط رجالي .. شو الاقمشة اللي الشباب يفضلونها ؟ وشو الاسعار؟ وهل الشباب بيخيطون عنده ولا بيروحون للخياط الفلاني (الخياييط الكبيرة) عطوني رايكم و افكاركم بليييز
وشكرا : )
تبين الصدق الغاليه اورنج
انا دشيت الموضوع اول ما نزلتيه بس ما رديت..بصراحه قلبي انقبض
و رجل الاعمال الناجح او “سيدة الاعمال” يكون عنده حدس قوي..و حاسه سادسه كلما زادت خبرته في هالمجال كلما صارت هاي الحاسه قويه و يعرف المشروع ناجح ام لا من اول جمله في الموضوع
انا رايي من راي الاخ ابو هاجر و الاخ رجل طموح
اذا ما عندج فكره معينه استخيري و استخيري و استخيري و التيسير من الله و فجأه بتيج فكره ناجحه و ان شاء الله بتطبقينها و بتكسبين ذهب من وراها
شخصيا من وصفج للمكان انا اشوف كافتيريا للكرك بيكون مشروع زين اذا مافي حد يسويه هناك طبعا
و الا باقي الاشياء المربحه من عنصر الرجال كلها موجود اللي هي الحلاق و المقهى و المغسله
اقدر اقول نتورك لكن بيكلف وايد و غالبا زوار النتورك يكونون اصغر من طلاب الجامعات
او بقاله مثلا
لو توضحيلنا المكان اكثر و المحلات اللي عداله ممكن نقدر نفيدج…و اذا انتي بعدج ما اجرتي هناك…خلاص غضي نظر عن الموضوع لان ما اشوف ان هالمكان بيفيد المشروع
خصوصا ان المكان احد القوائم الاربعه اللي يرتكز عليها اي مشروع
4p’s
place
price
promotion
product
يعني اهمية المكان لا تقل عن اهمية المنتج نفسه
ربي يوفقج الغاليه
اختي تبين نصيحتي لا تفتحين هذا المشروع لعدة اسباب
1ـ لبعد المحل (وهذا يفتح باب النصب من العامل وعدم الجدية في العمل)
2ـ طلاب سكن الجامعة يبالهم مثل ما قلتي مطاعم ومقاهي ومغاسل
ولا تغترين بكثر الشباب واكيييد كل واحد منهم عنده خياط في الفريج متعامل معاه
وانت بتبطلين خياط يديد واذا خرب ثوب واحد منهم بيحطون عليه اكس جميع الطلبة لكونهم في مكان واحد
3 ـ كونج بنية وبتدخلين مشروع رجالي 100% بيكون تعب لج من جميع النواحي
الاشياء السلبية وايد واذا لا بد من الخياط عليج بخياط نسائي وهو اقتراحج الثاني واكيد عندج خبرة في هذا المجال وموفقة ان شاءالله
ابو هاجر .. انته :efsf7: ..
اخت اورج فعلاً بيكون صعب عليج من جميع النواحي
ولو تفتحين خياط نسائي بيكون احسن لج بوايد .. انتي نسيتي ان الخياط الرجالي يباله متابعه وحسابات ودنيا ..
وبيكون صعب عليج انتي كبنت تروحين المحل في اي وقت بين الشباب والعمال ( صعب تعتمدين على العمال بالتليفون ..
أما خياط النساء بيكون فيه خياطين وخياطات اذا تبينه كمحل تصاميم ازياء :
ما يحتاج تتابعين سالفة الاقمشه لأن الزباين هم اللي اييبون الاقمشه وبعضهم اييبون القطعه والتصميم والكماليات كامله وانتي عليج التصميم والتنفيذ.. بالنسبه لأدوات الخياطه البسيطه مثل الخيوط الاسفنج السحاب البطانه الشيفونات الجيبون البليسيه والخرز او الفولك وربعه وباجي الاكسسوارات .. كل هذي الادوات متوفره في محل أدوات الخياطه .. بامكانج تخلين اي عامل يروح في تاكسي يشتري الادوات المطلوبه ..
وبتكونين محتاجه من الهمال :
1- الماستر كتر ( القصاص ) واحد بس.. في نفس الوقت يكون مصمم ويرسم الموديلات للزباين..
2- عاملتين خياطه ( نساء )فلبينيلت بلا شك..حرفيات في الخياطه وأخذ المقاسات والبروفات
3-عامل تطريز يدوي للخرز ( شك )
مجموع العمال 4
هذا كبدايه وان شاء الله يوم بيشتغل المحل وبيوقف على ريوله .. لازم تزيدين فلبينيات للخياطه
وانتي ادرى باسعار الفساتين واشوي شوي تضيفين فساتين افراح _ ايجار وبيع وتفصيل
ونصيحه مني .. اذا قررتي .. شوفي لج محل واسع .. لانه المشغل لازم ينقسم عن عرض الفساتين واستقبال الزباين ولا تنسين غرفة صغيره للبروفات ..
وهذا المحل تقدرين تيلسين فيه بالساعات .. لان الزباين بنات
تمنياتي لج وبالتوفيج
تحياتي
اختي لو تبا تدخلين هالمشروع فهو يكسب ذهب …
لكن انصحج تحصلين محل في المناطق البعيدة
لو انت في بوظبي ليش ما تفتحين في مناطق الباهية …. ترى في ناس في هالمناطق …
ما عندهم …
كما اعتقد هالخيايط …
ابو هاجر ..
لنه مشروع رجالي 100% وماعندي فكره بالقطع والاسعار خلاني اتردد واسألكم ..
وشكرا خويه
السلام عليكم
بغيت افتح خياط رجالي .. بس متردده لن المكان شوي منقطع ولكن اللي خلاني افكر في هالشي انه قريب من سكن الطلاب الجامعي وفيه مقهى وفي صالونات حلاقه و مغاسل البسه واشوف وايد شباب هناك .. انا كنت بفتح خياط نسائي ..لكن قلت الخياط الرجالي يمكن يكون احسن.. شو رايكم؟؟
ولو فتحت خياط رجالي .. شو الاقمشة اللي الشباب يفضلونها ؟ وشو الاسعار؟ وهل الشباب بيخيطون عنده ولا بيروحون للخياط الفلاني (الخياييط الكبيرة) عطوني رايكم و افكاركم بليييز
وشكرا : )
اختي تبين نصيحتي لا تفتحين هذا المشروع لعدة اسباب
1ـ لبعد المحل (وهذا يفتح باب النصب من العامل وعدم الجدية في العمل)
2ـ طلاب سكن الجامعة يبالهم مثل ما قلتي مطاعم ومقاهي ومغاسل
ولا تغترين بكثر الشباب واكيييد كل واحد منهم عنده خياط في الفريج متعامل معاه
وانت بتبطلين خياط يديد واذا خرب ثوب واحد منهم بيحطون عليه اكس جميع الطلبة لكونهم في مكان واحد
3 ـ كونج بنية وبتدخلين مشروع رجالي 100% بيكون تعب لج من جميع النواحي
الاشياء السلبية وايد واذا لا بد من الخياط عليج بخياط نسائي وهو اقتراحج الثاني واكيد عندج خبرة في هذا المجال وموفقة ان شاءالله