السلام عليكم
بصراحه موضوعي شوي غريب واعرف يمكن ما يكون في محلة لانكم الحمد الله ارقى واشرف من انكم اتكونون من ها الفئة ..
بس والله متغايضة وايد وااااااااااااااااااايد من ها الشىء والمشكلة كل ما اسير مكان اشوف ها الشيء واكيد انتو شفتووه بعد ؟؟
انك اتشوف واحد مواطن لازقة فيه وحده من المصلحجيات وشابك فيها عن اطير عنه
والله سرت مركز بن بطوطه في الويكند قلت تغيير بصراحه انصدمت من الاشياء اللي شفتها مرو عدالي اثنين وهو عادي رافع راسة مفتخر فيها ويتسوق وياها
وهي لا عباة ولا حياء … تتمشى مب مخلي شيء مب متشرنه لها
انزين ما يدري انها بس تباه لمصلحه مب لسواد عينه !
انزين ما يخاف حد من اهله يشوفها ؟
انزين وين اهلها وهل ترى يعرفون انها طالعة وياة ؟؟
خل فوق ها كلة شو من المحرمات ايسونها مافي وازع ديني ؟
مقهورة على شبابنا والله
بدال ما يساعد اهلة بها البيزات يصرفهن على اللي ما يسون 
بدال ما يامن مستقبله يلعب ابيزاته لهن
ما يعرف انها ويا الف واحد اتسوي ها الشي لمصلحتها
فيني غيرة على شباب بلادي ومن الحرة كتبت ها الموضوع 
السلام عليكم ورحمة الله وبركاته ,,,
انتي تتحسبين ان هالشي كبير ؟؟
ها شي استوى عادي ماينطالعله
انا شفت شباب وبنات في شقه مواطنين ومواطنات ويوم يضهرن مكان مايلبسن الا شورت وبدي ويسون حفله في الشارع ويسكرون آآخر الليل
الله يرحمنا برحمته ..
هذا الي يسوي جييه هب صاحي
الشباب في غفله وراء ها البنات المصلحجيات ….
الله يهدي شبابنا وشباب المسلمين أمين
موضوع مميز والغيره تدل على الوطنيه والوحده بارك الله فيج
&&& صدق &&& رسول الله صلى الله علية وسلم
عن أبي مسعود رضي الله عنه قال : قال رسول الله صلى الله عليه وسلم : ( إن مما أدرك الناس من كلام النبوة الأولى : إذا لم تستحي فاصنع ما شئت ) رواه البخاري
وكان الإمام أحمد بن حنبل يكثر من قول :
إذا ما قال لــي ربي أما استحييت تعصيني
وتخفي الذنب من خلقي وبالعصيــان تأتيني
فما قـولي له لــما يعاتبنــي ويُقصيني
صدقك والله ياخوية معصية وتفاخر الله يرحمنا برحمته