كان خاطري في واحد … ولا أبيض بعد …. !!
الأذكياء في الوكالة قبل شهر قلت لهم راح ينزل موديل 2010 باللون الأبيض .. في رد أحد ” المفتين ” المتخصصين في الكورفيت عندهم وقال ” أبيض مستحيل … وكمان أزيدك من الشعر بيت … ماراح ينزل للـ 2010 !!! ” … الحبيب يتحراني ما أقهم في السيارة !!!
أو بالأحرى كان يبغي يمشي عليه الـ 2009 !!! هههه
بس للأسف لا هذا ولا ذاك … الوكالة بدبي طالبين فيه 545 الف درهم … وسعره بأمريكا 445 ألف درهم !!!!
ومثل مايعرفني البعض في المنتدى … انا شخص عندي مبدأ بسيط … يقول بيع لي السيارة بـ 600 ألف اذا كان هذا سعرها بالفعل من المصنع !! بس لاتحاول تبيع لي سيارة لو سعرها 10 الف من المصنع بقيمة 11 الف !!!
لهذا السبب … لو مب لونها ابيض … حتى لو لونها أسود مسود … حرام ما خليتهم يمصون دمي هالحراميه …. !!! ههههه
طولنا عليكم … أليكم الصور
بصراحه الكورفت شيييييييييييييييييييييي
بالتوفيق يالحبيب واذا ناوي عليه حبيت اقولك يعطيك خيره ويكفيك شره
وبالنسبه للوكالات عدنا بالدوله لااااااااااااااااااااااااااا تعلييييييييييييييييييييييييييييق
بس مب منهم لان ماخذين راحتهم لاحسيب ولا رقيب
ماشا الله عليك اخوي
مبين عليك راعي تجارب مع الزد او سكس
خبرنا بكل صراحه عن استعمال الزد او سكس كاستعمال يومي
((ضغاط +سواقة اوادم
))
تسلم أخوي
على فكرة السيارتين ينزلن بنفس الألوان في الـ 2010 …. مشكلة الألوان الغامقة انها تتأثر بسرعة وهذه النوعية من السيارات لازقة بالشارع فحدث ولاحرج .. الغبار يخلي الواجه ” شاحبه ” على الآخر …
لذلك الأبيض ما تبين فيه هذه الأمور … عندي الـ Z06 لون غامق وكل سنة أصبغ الواجهة الأمامية لأن التلميع يمشي شهرين وعقبها يرجع مشوحب مرة ثانية !!!
هلا أخوي ،
بالنسبة للضمان … المصنع هو من يتحمل تكاليفه
بالنسبة للصيانة … الزبون هو من يدفع تكاليفها
أما بالنسبة للفائده .. أوضح لك الآتي:
طال عمرك في أمريكا عندهم شئ يسمى MSRP أو Manufacturer Suggested Retail Price وهذا السعر اللي المصنع ينصح فيه الوكالات ببيع السيارة … وكذلك هذا السعر يشمل كل اللي ذكرته في مداخلتك وفوقه مصلحة الوكالة ….
MSRP لهذه السيارة في أمريكا 120 ألف دولار تقريبا لمواصفات 3ZR …
طيب ،
في الـ 2006 … شريت الكورفيت Z06 من الدفعة الأولى بسعر 275 الف درهم تقريبا 75 الف دولار …. وكان MSRP في في أمريكا لهذه السيارة 76 الف دولار !!!!
فالموضوع …. ببساطة الوكيلين في الأمارات (الكندي و ليبرتي) يحاولون يحققون أكبر مصلحة ممكنه في الدفعات الأولى فوق المصلحة اللي عاطنهم أياها المصنع !! طيب 10 او 20 أو 30 …. مش 120 الف !!!!!
المشكلة انك اذا دفعت مثل هذه الفرقية الكبيرة …. بعد سنة ولما تطيح السيارة عنده تخسر كثير من سعرها لأنهم ببساطة راح يرجعون ويبيعونها بالسعر الموصى به من المصنع !! مثل ما صار بموديل 2009 عندهم في أمريكا … أكثر 90 سيارة طايح بالمعارض الأمريكية مش قادرين يمشونها بسعر المصنع .. والسبب أنهم بالغوا في البداية بطلب ربح مبالغ فيه مثل ما هو صاير مع الوكلاء المحللين عندنا.
لهذا السبب … أقول خلها ترم عندهم … مش كثير من الناس يقبل يدفع في كورفيت مثل هذا السعر … خصوصا لما الـ Z06 كان ينباع بنصف سعر هذه السيارة واللي هي في الأساس 70% مماثله للـ Z06.
تحياتي لك