يا من جرب الكيا تفضل وادخل

17 thoughts on “يا من جرب الكيا تفضل وادخل”

1. نحن عندنا كيا اوبتيما موديل 2007 .. خذناها بدايه 2007

   4 سلندر

   وللحين ماشتكينا منها نهائيا .. حجمها الداخلي وايد حلو .. اوسع من الكرولا بوايد .. وشكلها الخارجي روعه بصراحه

   مريحه فالخط .. وعمليه وماتصرف بترول .. ومكيفها بـــارد ماعليه كلام

   العيوب .. الميزانيه كل 4 شهور لازم تضبطها

   مافيها نظام Abs .. يعني بريكها وبريك السيكل واحد .. يسحب وايد

   والاعطال شبه معدومه .. ويعتمد على الاستعمال

   من وجهه نظري لو يعدلون العزم فالسياره ويخلونه اقوى شوي .. ويحطون لها نظام Abs

   بتكون سياره مثاليه وعادي تنافس الكرولا

   وسعرها بـ 55 الف درهم ..

   ====================

   السياره الثانيه عند واحد من الربع .. الكيا الي حجمها مثل اليارس والتيدا .. اعتقد اسمها بيكانتو او شي جيه

   بصراحه سياره زباله بمعنى الكلمه ههههه

   لا قوه ولا حجم ولا شكل ولا راحه ولا اي شي نهائيا .. سياره فاشله .. وهذا رأيي الشخصي

   البيكانتو وصف مظبوط

2. انا جربت سيارتين كيا
   بيكانتو الصغيرة و السورانتو الفورويل
   الفورويل يوم كنت اوقفها في الشمس القاء الدبل عالق
   و الصغيرة يوم كملت سنتين و ماشية 35000 كم قمت اسمع اصوات و الغير قام يشكل و البريك بعد

3. عندنا كيا اوبتما موديل 2002 عند الشيبة 6 سلندر ماشئ احلى عنها مسكتة الماكسيما في الثبات ,,,, صح انهة مافيهة هبة لاكن ثابتة ومريحة

4. يوم رديت من السفر هذه السنة ركبت كيا كرنفال من شركة تكسي دبي يخبرني السواق سوري على ما أعتقد ان أفضل سيارة من نفس النوع ساقها طول مدة خدمته هي هذه السيارة من ناحية الاداء وقلة الاعطال

   سيارته موديل 2008 ومطلعه من ثلاث شهور وماشية بس 62000 كم!!!!!!!!!!

5. تسلم على هالموضوع

   الصراحة الكيا في تطور مستمر

   وصدقوني في يوم من الايام بتكون منافسة عنيدة لليابان

   المهم انا كان عندي كيا اوبيرس 2004

   والحمدالله شي اسمه خراب انساااه

   الا الشك اب لازم تسويه مب للكيا بس لكل السيايير

   كيف ماقالوا الاخوان

   العزم مب لين هناااك هذا في موديل 2004

   وعن الراحة مريحة و وسيعة و التكنولوجيا فيها متطورة لكن مب شرات النيسان و التويوتا
   يبالهم وقت

   والاسعار مناسبة نوعا ماااا

   والسيرفس جميل وسريع وخاصة بعد فصل الاوبيرس و الوفورويل عن باقي السيارات في الصيانة

Comments are closed.