بسم الله الرحمـــن الرحيـــم
السلام عليكم ورحمة الله وبركاتة
باختصار اللي جرب سيارات ال كيا ياريت يخبرنا شو
مميزاتها
عيوبها
وهل هي عملية (( من ناحية السعر المميزات الاداء قلة الاعطال ))؟؟؟
وشو افضل سياراتها؟؟
وشكراااااا
17 thoughts on “يا من جرب الكيا تفضل وادخل”
Comments are closed.
كفو علها السيارة يوم تامه وياك بدون تشييك
انا يا خوي جربت الكيا
عندي كيا موديل 2002 اوبتما شريتها في اخر 2001
السيارة مقبولة نوعا ما مقارنة مع سعرها …..
لا تتوقع ان السيارة تتم بنفس المستوى بعد سنة من الاستخدام … يعني بتبدأ تسمع اصوات في السيارة لكن السيارة بتمشي وعااادي
استعمل السيارة حتى الان ولا مرة وديتها تشييك … ابدل ايل وفلتر واعبى بترول …. السيارة ما شية في حدود 220 الف كم
اخترب معاي شيئين مرة الرديتر انطر وبدلته ومرتين القير يعلق على الاول والثاني بس وبدلت السنسرات بقيمة 500 درهم فقط
هذي صورة عامة عن سيارتي ….
الخلاصة …. من خبرتي في استخدام السيارة …..
عزمها تعبان … البدي ضعيف …. جودة مواد التصنيع الداخلية جيده جدا مقارنة مع سعرها … سيارة لو تستخدمها بشكل طبيعي بتعيش وياك …. ما صادفتني فيها اي مشاكل غير المشكلتين الي تكلمت عنهم قبل ..(يأخذ بعين الاعتبار ان الموتر ماشي 220 الف كم )…
بشكل عام السيارة جيده جدا مقارنة بسعرها وسعر السيارات اليابانية
والله يوفقك يا خوي … وما خاب من استخار …. ركعتين استخارة تيسر لك امورك وترشدك للصواب
ورمضان كريم