اخواني و اخواتي
اشحااالكم.؟؟
الصراحه انا وايد مستهمه و زعلاااااانه 
عندي رغبة شديدة في اكمال دراستي…واشد من الشدة بعد
عندي شهادة الثانوية العامة….ودرست سنة في التقنية و توقفت….و من اسبوع و انا اتصل التقنية ومحد يرد عالتلفون من الاداره….عشان اسألهم اذا في مجال ارجع….لانه كان المفروض ارجع السمستر الثاني 2003 و ما رحت…
المهم المهندسين عندي في الدوام قالوا لي ليش ما تدرسين بالانتساب….مب مقصرين حليلهم و وايد زعلانين لاني الحمدلله مخي مفتح و اتعلم بسرعه من غير ما حد يعلمني حتى…ومن اول يوم دوامي و هم يقولون لي كملي و كملي…
حشا قلت قصة حياتي….
المهم ….
اللي ابا استفسر عنه….
حد فيكم درس بالانتساب و وين؟
وشو التخصصات اللي الواحد يقدر يدرسها بالانتساب…..
وشو من الجامعات المعتمدة شهاداتها بالانتساب
وشو احسن الجامعات
وكيف الاجراءات لو ابا اسجل او استفسر..وكيف نظام الدراسه يكون
طلبتكم لا تردونيييييييي..اللي ما عنده علم على الاقل يدعيلي بكون له شاكره
..ابا ادرس ابا ادرس ابا ادررررررسسسسسسس
وطلب اخير
في حد يقدر يساعدني اني ارجع لكلية التقنية في دبي..تعبت وانا اتصل والابريتر تحولني ومحد يرد علي
وشكرا
تسلمون عالردود الطيبه
الوسيم الجامعات الخاصه يبون نسبه فوق ال 60 او 65 وانا نسبتي مالت علي في الخمسينات
و يبون يا توفل او Ils وما لحقت اخذهم…يبالي شهر دراسه عشان احصل وحده من هالشهادات….
انا سمعت انه شي موقع تجريبي لامتحانات التوفل….دورت عليه ما لقيت…اذا حد يعرفه يا ليت يفيدني به…بجرب امتحن التجريبي و اشوف لانه الحمدلله لغتي الانجليزيه زينه خاصه في القواعد الجرامر….فقلت ان قدرت انجح في التجريبي بحاول اقدم على الامتحان من غير ما اني اخذ دوره كامله لشهر…
اختي طفول اول شي ومن قلبي الله يوفقج واتكملين دراسج
بخصوص الانتساب اكثر شي بمصر يمشون على هذا النظام ولكن من قرابه السنتين التعليم العالي شددوا على الدراسه بالانتساب بمصر وذلك لحدوث تلاعب بالشهادات
انصحج اذا بتدرسين بمصر تسالين اول شي التعليم العالي عن الجامعه هل هي معترف فيها والا لا…
وعن نفسي افضل انج تدرسين داخل البلاد ولو بجامعه اوكليه خاصه ولو حتى ضغطي على نفسج شويه نفسيا او ماديا
ولكل مجتهد نصيب
وبتوفيق ان شاء الله
اوكي دقي النادي المصري الي في عيمان واستفسري عن اسم الجامعه الي بتكون امتحاناتها عندهم
والله يوفقج
تسلمين الغاليه
انا يالسه من شهر احاول ادش موقع جامعة 6 اكتوبر بس الموقع ما يفتح لي الصفحات لانه عندهم الدراسة الالكترونيه ابا اقرا عنها لكن الصفحه ما تفتح…الموقع مب مكتمل من عندهم…
اختي اول شي انا من الي يشجعونج على اكمال دراستج..
اختي قبل كانو ينتسبون في جامعه من جامعات مصر ويسيرون بس وقت الامتحان
ووقفو الدراسه من 3سنوات
والسنه فتحوا باب الانتساب + الامتحان في البلاد تحت رقابه السفاره المصريه