اخواني و اخواتي
اشحااالكم.؟؟
الصراحه انا وايد مستهمه و زعلاااااانه 
عندي رغبة شديدة في اكمال دراستي…واشد من الشدة بعد
عندي شهادة الثانوية العامة….ودرست سنة في التقنية و توقفت….و من اسبوع و انا اتصل التقنية ومحد يرد عالتلفون من الاداره….عشان اسألهم اذا في مجال ارجع….لانه كان المفروض ارجع السمستر الثاني 2003 و ما رحت…
المهم المهندسين عندي في الدوام قالوا لي ليش ما تدرسين بالانتساب….مب مقصرين حليلهم و وايد زعلانين لاني الحمدلله مخي مفتح و اتعلم بسرعه من غير ما حد يعلمني حتى…ومن اول يوم دوامي و هم يقولون لي كملي و كملي…
حشا قلت قصة حياتي….
المهم ….
اللي ابا استفسر عنه….
حد فيكم درس بالانتساب و وين؟
وشو التخصصات اللي الواحد يقدر يدرسها بالانتساب…..
وشو من الجامعات المعتمدة شهاداتها بالانتساب
وشو احسن الجامعات
وكيف الاجراءات لو ابا اسجل او استفسر..وكيف نظام الدراسه يكون
طلبتكم لا تردونيييييييي..اللي ما عنده علم على الاقل يدعيلي بكون له شاكره
..ابا ادرس ابا ادرس ابا ادررررررسسسسسسس
وطلب اخير
في حد يقدر يساعدني اني ارجع لكلية التقنية في دبي..تعبت وانا اتصل والابريتر تحولني ومحد يرد علي
وشكرا
ان شاء الله تتوفقين بالتقنيه
انا انصحج بمعهد الدراسات المصرفيه سنة ونص تحصلين دبلوم دراسات مصرفيه وبعدها اذا حبيتى تكملين تقدرين تكملين دبلوم عالى
انا اشوف هالمعهد احسن شى للموظفين اسهل واسرع يعنى مب لازم تدرسين 4 سنين وفى معهد الخوارزمى ممكن تدرسين الخميس والجمعة بس يعنى فى وقت اجازتك
انا كنت في و زارة التعليم العالي و البحث العلمي
و سالت عن موضوع الانتساب , الانتساب ممنوع و شرط من شروط الوزارة الالتزام بالدراسة بالحرم الجامعي بما لايقل عن 70% و هذا الكلام انامتأكد منه.
بالتوفيق
مشكوورييين هالردود الطيبه
والحمدلله ردوا علي في التقنيه و قالوا تعالي الاحد او الاثنين و عبي نموذج طلب الرجوع و ان شاء الله خير
ادعوووووووووووووووولي يرجعوني ادعووووووولي
..
الوسيم حشا 37 عيوز مكسره هالوقت روحي بقعد ادور لي دكاتره اتعالج عندهم مب اقدم على رساله دكتوراه خخخخخ
توووشكر يالدب