أظهرت نتائج استبيان أجرته صحيفة إماراتية أن 42% من أصحاب الدخل الثابت في الإمارات ينفقون أكثر من 20% من رواتبهم شهريا على السيارة، مقابل 22% ينفقون ما بين 15 إلى 20% لذات الغرض في بلد فرض فيه نمط الحياة ارتباط الناس باستخدام وسيلة النقل لشخصية بديلا عن خدمة النقل العام، التي لا تزال تقتصر على التاكسي وفي نطاق محدود.
ويشمل الإنفاق على السيارة تسديد أقساط التمويل من البنوك ومصاريف الوقود ورسوم المواقف وبوابات خدمة “سالك” في إمارة دبي والمخالفات بأنواعها وأعمال الصيانة والنظافة ومصاريف أخرى.
وأظهر الاستبيان أن نسبة الذين ينفقون بين 10 و15% من رواتبهم على سياراتهم شهريا تقارب 20%، بينما قال 12% إن ما بين 5 إلى 10% من دخلهم الشهري يذهب إلى مصاريف السيارة، وأكد 4% ممن شملهم الاستبيان أن إنفاقهم لا يتجاوز 5%.
42 % تذهب لأقساط التمويل
ويشير الاستبيان الذي أجرته صحيفة” الخليج” الصادرة في إمارة الشارقة ونشرت نتائجه يوم الأحد 9-5-2007 أن نحو 42% يوجهون الإنفاق الشهري على السيارة إلى تسديد أقساط التمويل من المصارف، بينما قال 26% إن الجزء الأكبر منه يصرف في الوقود، وأكد 16% أن مصاريف الصيانة تستهلك الجزء الأكبر من الإنفاق الشهري على السيارة.
ويعتبر 74% من أصحاب السيارات المخالفات التي تدفع لشرطة المرور وللبلدية مرتفعة، فيما رأت نسبة 14% من العينة المستطلعة أن المخالفات التي تدفع للمرور والبلدية مقبولة، و12% من أصحاب السيارات اعتبروها متوسطة.
ورأى 28% أن رسوم التسجيل السنوية للسيارة مرتفعة في مقابل 46% يرون أنها متوسطة، وتوافق على الرأي في تقييم رسوم التأمين السنوية 68% قالوا إنها مرتفعة جدا مقابل 26% رأوا أنها متوسطة .
وقد تزايدت معدلات الإنفاق على السيارة في السنوات الأخيرة مع ارتفاع معدل التضخم في الإمارات، الذي طال أسعار الوقود والصيانة وأسعار السيارات التي تأتي في المركز الثاني في الجزء المخصص من الرواتب للإنفاق بعد الإيجارات، التي تشكل في المتسوط نسبة 35% من الراتب بحسب دراسات حديثة.
كيف تستثمر راتبك
تشتري سياره
ولا تفتح مشروع
ولا خطه توفير للعيال
ولا اصرف ما في الجيب
ياريت تفيدونا بأفكاركم لاستثمار الراتب
مشكور اخوي على المشاركه
فعلا بعد خبر الزياده الاغلبيه فكرت بتغيير السياره وحتى لو كانت السياره يديده
وبالنسبه للمخالفات خليها على الله الواحد ما يزعل عل المخالفه يزعل عل الاسلوب وخاصه عالبحيره
ياخي الوادئع بالبنووك الاسلاميه وغير الاسلاميه نسبتها بسيطه وماتحصل شي منهم…
بس نحن نقدر نقلل من صرفنا ع السيااره..
اختيار نوعية السياااره وللاسف كثير من الشباب
مايفكروون وخاصه بعد الزياده الي صارت البعض يقول
ياخي خلني ادلع عمري وكم راح انعيش..ياخي انا ما اقوول احرم عمرك ولا دلع عمرك في في اشياء اهم من السياره الحياه يووم عن يوم تغلى والكل يعرف هذا الشي يعني المفرووض الواحد يستغل زيادة الرواتب لمستقبله مش يستغل زيادة الرواتب بشراء سياره فخمه…وللاسف للاسف للاسف البنووك هي الي تساعد الشباب على هذا الشي يغرونك ابكل الطرق ويسهلوون لك كل شي…
طبعا موضووع سالك والمواقف نتقدر تقلل من مشاويرك ومش لازم كل يووم ترووح السوق ومش لازم كل يوم تمر من سالك طبعا انا ما اتكلم عن الاخوان الي ينجبروون انهم يمرون من سالك…
موضووع التأمين للاسف الجماعه مستغلينا ويحققون ارباح خياله….
اما الخالفات الي تدفع للشرطه والبلديه
بعض الاحيان نتخالف على اشياء مايستاهل الواحد يتخالف عشانها…
يعني انا قبل يومين كنت بدبي وبالتحديد عن المطار بشل اربيعي راد من السفر..المهم وصلت المطار قال لي لا تنزل من السياره انا دقايق وبظهر قلت له اوكي حصلت مجال ع جنب الشارع وقفت والمكان الي وقفت فيه شارع امسكر والسيارات يمرون من جنبي وانا مش امعطل السيد والاموور طيبه 100% والله ماكملت دقايق الا اشوووف الشرطي يربع صوبي صارووخ تقوول حد يركض وراه ويسجل رقم السياره… ليسن وملكيه
ابسرعه قلت له ليش ياخي رد بصوت عالي انت واقف مكان ممنوع قلت له وين لوحة ممنوع الوقووف قال شو شو انت الحين تبغي تعلمني ابشغلي قلت له انزين ماله داعي اتخالف بحرك قال امعطل السيد امسوي زحمه..وانا اقسم بالله اني مش امسوي زحمه السيد ماشي…طبعا من خلال كلامه وياي تقوول هذا عاطينه دفتر المخالفات ومطلووب منه يخلص هذا الدفتر…واسلووب مش حضاري ابد…قلت له اوكي خذ وخالف وهو يكتب المخالفه قلت له تبغي ماي ولا فيتامين سي رد لا مابغي شي المهم خلص المخالفه قال وقع قلت له بس اوقع والله غالي والطلب رخيص ماتبغي شي ثاني استملت المخالفه قلت مشكوور وماقصرت واسمحنا تعبناك رااح المهم اشويه وحركت خذت اربيعي ورحت عنده سلمت عليه وهو مات من القهر…
انا اشووف المخالفه هاي ماكنت استاهلها بس يالله الواحد يقوول الحمد الله وللاسف للاسف ومع احترامي لهم من يشوفون رقم بوظبي تقول شايفين الشيطان جدامهم وطبعها مب الكل…ونفس الموقف مريت به بالشارجه ع الكرنيش
مقابل كنتاكي نزلت من السياره ودخلت كنتاكي وبعده باب كنتاكي ماتسكر شفت الدوريه رجعت ولا الحبيب كاتب رقم السياره والتاريخ وخالص طبعا رفع ضغطي قلت له عيب عليك كلنا اعيال زايد وماخالفت الا عسب رقم السياره بوظبي طبعا بلم ماعرف شو يقوول…طبعا ما عمم عل الكل..
وسمحولي طولت عليكم بس والله متغصص اشويه من المخالفه….
وهاي كلها مصاريف محسووبه علينا….
ومشكوور اخووي ع الخبر…
انا يالله يالله ابدل لها ايل ولا اغسلها
دوووم السياره وسخه خخخخخخخخخ