يوميات بنات صغار……….!!

يوميات بنت صغيره،

اليوم طبعا قمت الساعه 9:44 وسرت اتسبح وسحييت شعري ورحت برا وشمييت هواا وسويت رياضه شوي، ورحت ايلس على المريحانه ولا اسمع صوت قطوتين يتضاربون وعاد شو مب ضرابه دفان وبوكسات واصواتهم تزيغ لما يصرخون، وطبعا انا اكبر خوافه طبعا مايلست على طول شليت قشي وسرت جان تضحك علي الخدامه وانا عااد افتشلت ورحت بعدين اطلب من الدكان كوورن فليكس وحلييب حق ريووقي وطبعا لين الحين ماياب الطلبيه وانا اتريا فاقلت خلني ادخل الكمبيوتر شوي ورحت الغرفه وبعدين مالقييت الكمبيوتر جان ارووح غرفة اخووي ولا اجوف كمبيوتري هناك جان ارووح واشله ويبته الغرفه ودخلت المنتدى وكتبت يومياتي..برب…
اتريو يومياتي ..

انزين اليوم قمت الصبح وعلى عاتي كنت متاخره ولبست واجهزت بسرعه وابوي وصلني المدرسه ويلسنه ثلاث حصص ورا بعض(هلكنا)، وبعدين فسحه وقالولنا سيروا الصاله لان في مبارة الاهلي والنصر وطبعا طبعا احم احم الاهلاويه فازو بنتييجه يا 9_3 او 9_4
على العموم العضوة شمووه تعرفف النتييجه لانها في مدرستنا وكانت متابعه المبارا،انزين وسرنا هناك وشجعنا الاهلي وقلنا بنيييب بطليين ماي فاضيين عسب ندق ومالقيينا جان نشتري من المقصف بطلين ويينا الصاله الرياضيه وبعدين ربيعتي المسكيينه ضحت من اجل الاهلي وشربت بطلين ماي وفضتهم وعاد متى فضتهم يوم خلصت المبارا والمسكيينه بغت اتزاوع بس تحملت لين الحصه الاخيرة خخخخخخ بس كاان احلى يووم وبعدين خلصت المبارا ورحنا وخذينا جمن حصه وردييت والبيت وسرت اجييك واجووف اذا النت ردووه جان اسأل اخوي وقالي ردووه وفرحت ونقزت واستانست وبعدين دخلت الكمبيوتر وكتبت يومياتي ..برب اتريووو يومياتي ……..

اليووم هو اليوووووووووووووووم الوحيد الي كتبت يومياتي الفليل خخخخخخ لأني رقت وخمدها وبعدين قمت وكتبت يومياتي :
انزين اليوم قمت الصبح الساعه 5 لان اخوي خرب رقادي وبعدين امي استغربت وقالت اول يووم جي تقومين بسرعه، ترا انتو تعرفووني دووم متأخره انزين وبعدين تمييييييييت لين الساعه 6 وبعدييييييييين سرت واتلبست واتجهزت بعدين جفت ولد اخووي الصغير قايم جان ابووسه ورحت بعدين عند اخته العووده الي اكبر عنه بسنتين يعني هي عمرها سنتين وبعدين رحت العوزها واقولها يلا قوومي مطر جان تتمدد وبعدييييييييييييين قامت وسرنا لعبنا بل المطر وبعدين اوني سويتلها عصيييييييييييير برتقال فرش وبعدين شربته وانا شربت شوي وخلص وبعدين ابوي قال يلا بودييج المدرسه وبعدين بنت اخوي كانت تبا تيي وبعدين ركبتها السيارة بس ماودييتها المدرسه ابووي بس جيي مخلنها بل السياره وبعدين خذينا كمن حصه وبعدين دق جرس الفسحه وسرنا لعبنا بل المطر وكان في بنات يلعبوون بل الماي وبعدين لعبنا وياهم ولييما دق الجرس ورديينا صفووفنا وكل وحده ثيابها متبلله بل الماي وبعدين خذينا كمن حصه وردييت البيت ورقدت وقمت هاا الوقت وفتحت اللابتوووب وكتبت يوميـــــــــــــــــــــــــــاتي الحلوة خخخ ….

………………………………………….. ………………………………………….. ……………

منقووول

وأتمنى أكون زرعت إبتسامه على شفاهكم.