يوميات رجيم …………وباجر بسوي رجيم؟؟؟؟؟شاركوني

14 thoughts on “يوميات رجيم …………وباجر بسوي رجيم؟؟؟؟؟شاركوني”

1. اوه و بعد

   اشرب حلول كل جمعه << خهخهخهخه طريقه تقليديه:075:

2. احسن طريقه…وقف اكل الساعه 6 المغرب

   اشرب كوب ماي قبل اي وجبه و ابتدي الوجبه بالسلطه لين تخلصها و عقب الطبق الرئيسي

   مب لازم تخلص كل اللي في الصحن

   مش ساعه في اليوم

   اشرب ماي وااااااااااايد..كل ما تيوع اشرب ماي

   لا تحرم نفسك من شي..كل اللي تباه بس قليل

   حول الى الخبز الاسمر و الرز الاسمر

   الغازيات تتحول كلها دايت..دايت بيبسي دايت سفن اب و دايت فيمتو..دايت رد بول

   في جبس لايت في سبينس…حول اليه

   الجبن كله لايت…الحليب بدون دسم..الروب بدون دسم

   في بوب كورن لايت اذا تشوف التلفزيون و تحب تتسلى

   شوربات لايت

   خذلك لفه في سبينس تلقى وايد اكل لايت و دايت

   اذا بتسير تتشرى من السوبرماركت او الجمعيه..اكتب لسته و اتبعها حرفيا..مب تشوف كاكاو و تشله و جبس و تشله..

   و في نقطه مهمه جدا جدا..اذا نزلت عشره كيلو…سير اشتر بنطلون ديزاينر..كالفن كلاين, جورج ارماني..او روبرتو كفالي مثلا..المهم سعر البنطلون ما يقل عن 1000 درهم او 2000 درهم

   عشان تحافظ على وزنك و تتغصص اذا ما رمت تلبسه << ناجحه ويايه الحمدلله

   بهالطريقه نزلت من عالم الستينات و صرت في عالم الخمسينات..يعني 10 كيلو..و يا رب اوصل الاربعينات بصحه و عافيه << كيفي ابا استوي مضرب

   اذا ذكرت شي برد اخبركم

3. والله انا ابخاطري اسوي رجيم

   بس المشكله ماقدر امسك عمري…
   عن نفسي امسك عمري يوم يومين وبعدين خلاص الي بنيته اهدمه باليوم الثالث..

   مشكلتنا ما اتعودنا على الريجيمات … نحنا اللي اتعودنا عليه :
   الصبح : بلاليط ويا قرص بيض – خبز رقاق ويا بيض وجبن – شاي كرك
   الضحى : رطب ويا قهوة عربية
   الظهر : عيوش وصوالين ومجابيس واضرب بالخمس
   العصر : لقيمات وحلوى عمانية ويا خبيصة من ايد الغالية الله ايخليها لنا
   العشاء : مضروبة ولا هريسة مع دياية في الفرن ويا شوربة كابتن

   شرايكم في الريجيم … جربوه وخبروني ؟؟؟

   طبعا اخوي سري للغايه ماقصر شرح لكم شرح وافي عن الطريقه المثاليه للرجيم,,,,

   طريقه ناجحه100%

4. مشكلتنا ما اتعودنا على الريجيمات … نحنا اللي اتعودنا عليه :
   الصبح : بلاليط ويا قرص بيض – خبز رقاق ويا بيض وجبن – شاي كرك
   الضحى : رطب ويا قهوة عربية
   الظهر : عيوش وصوالين ومجابيس واضرب بالخمس
   العصر : لقيمات وحلوى عمانية ويا خبيصة من ايد الغالية الله ايخليها لنا
   العشاء : مضروبة ولا هريسة مع دياية في الفرن ويا شوربة كابتن

   شرايكم في الريجيم … جربوه وخبروني ؟؟؟

5. ما عليك من هذا كله ..
   بس ابعد عن
   السكر..
   المقلي..
   الخبز الابيض..
   ومشتقات الالبان من الاجبان
   هذا يعطيك 70-80 % ريجيم

   الشوفان يعمل على تقليل الكلسترول في الدم
   والكريب فروت والشاي الاخضر لحرق الدهون

   مجرب .. لاكن استمر

Comments are closed.