السلام عليكم ورحمه الله وبركاته
يوووووووووووووووم في حياتي لن ولن ولن أنساااااااااه
طبعاً بديت طلعتي من الساعة 1 الظهر رحت إلى دباااااااااااااااا الصراحة الجووووووو جنان كل الناس رايحين الفجيرة وخور فكان ومسافي ودباااااااا يغيرون جووووو
طبعاً ماخليت فندق ولا شاليه ولا منتجع مادخلته 
أدور حجز للأسبوع الياي
أحلاهم شاطئ القعة .. وسبا الفجيرة روتانا
منتجع جال غالي على الفاضي أحسبه مايسوى حجز السويت غرفتين وصاله 3600 مع الفطور
ومنتجع مريمار ماعيبني موووووول
والحمدالله رجعنا الساعة 1:15 إلى الشارجة ….. طول الوقت ربعي يتصلون يقولون في الشارجة مطر صبييييب اقولهم غريبه طول طلعتي ماصادفني مطر كله نفاف
وصلت ربعي بيوتهم ورديت البيت ….
رن تلفوني ….. ترن ترن
واحد من ربعي كان مب ويانا قالي قم بنروووووووح نتعشى وبناخذلنا كم لفه في البلاد بنتفقد احوال الرعية
قلت له …. فالك طيب بس مر علي لأنه موتري من الصبح يشقح وينطح بين جباااااال دبا والموتر توه مريح
قالي اوكي بمرلك …
طلعناااااااا
اول ماوصلنا صوب دوار مركز الحيرة إلي صوب البحر ….
تفاجأنا بصوت رهيييييييييييييب بم
قلت له استوت ياشييييييخ رحنا ملح
اشوف يطييييييح برد قوي (( حبات كبار ))
حسيييييييت وقتها بالموووووووت كأنه أطلاق نار ماسمع غير ضربات على السياره بشكل رهيب كأنه البرد بيخترق الحديد وبيقطعنا 
قسم بالله محد حس برعب غير إلي كانوا في الشارع …. طبعاً لو تدح بريك لاحياه لمن تنادي كأنك تمشي فوق جليييييييييد مايمسك التاير لو كيلو جداااام
ندور مظله أو اي مكان ننخش فيه عسبت السياره ماتتكسر ماحصلنا
وأنا خايف أنه الجامه تنكسر ….. كنت بحصل ضرب بالثلج على راسي حتى معالم ويهي بتختفي
بعدين حصلنا محطة بترول دخلناهااااااااااااا ……. بعد شو يحسره
اول مانزلنا حصلت السياره خبر خييييييييييير تكسرت تكسير من البرد غميضة الموتر 2009 
البونيييييييت متعفص ومدمر والصقف نفس الحالة 
والجامه الأماميه استوت خريطه تكسرت
طبعاً السالفة قبل شوي الساعة تقريباً 2:45 م
هل التأمين يتحمل ؟
وإذا حد عنده صور من البرد يزيدنا من خيره
يالله تحمدولي بسلامه
أعذروني ماكان لي خلق أصور بعد إلي صار
وآخر صوره وصلتني بالوسائط من أحد الأصدقاء سواها على بحر الشارجة
للعلم حالياً مطر ……… صبييييييييب
الله يزيد ويبارك
الله يكون في العون حتى احنا في السعوديه الرياض نزل عندنا برد الخميس الصباح بس كانت حبات صغيره وما كسرت المواتر
وعلى حسب ماسمعت هذا الاسبوع تقلبات جويه امطار وبرد على الجزيره العربيه نرجو من الجميع توخي الحذر <<تعبت على توخي ههههه
وفي بعض التأمينات لوشامل ماتتحمل لانه
بيقولك هاي عوامل طبيعيه
فالاخير تأكد من وثيقة التأمين الي يوم تأمن تتم عندك نسخه
تأكد منها
الحمد لله عالسلامة اخوي
^_^
أحد الضحايا
الحمدلله على سلامتك اخوي القناص
الله سلمكم شفت البرد وحباته كبار ما شاء الله بس ما توقعناه الصراحه
شي يفرح
اللي في البيوت فرحوبه
واللي في الشوارع تعرضوا للخطر ؟؟
ومعوضين ان شاء الله في السياره
حاولت اصور البرد لكن الصور مب واضحه للاسف
الحمدلله انه ما طول ولا الخساير بتكون كبيره
باجر بتسمع علوم البرد من الاذاعه والتيلفزيون والمنتديات
وعن الخساير والاضرار