~ً● صور وتعليقات : آثار الأزمة على الفيران ++ استهبال القطاو ++ صور منوعة ●ً~

السلام عليكم ورحمة من الله وبركاته ..

شحالكم يا أعضاء منتدى الإمارات للاوراق المالية ؟!

أدري ما تولهتوا عليه … بس ما باليد حيلة .. لازم أزعجكم بين فترة وفترة ,, ومثلي فالحياة “إزعاج الناس غاية لا تدرك”

المهم .. موضوعنا اليوم عبارة عن مجموعة من الصور والتعليقات ,, وأتمنى أنها تعيبكم ..

ما بنطول عليكم .. وخلونا نبدا في الموضوع ..

__________________________________________________

تخيل نفسك في يوم من الأيام تغدي مشرف !!

وين بتروم تراقب كل المواضيع .. والرسايل الخاصة .. والإشراف .. وترد على الرسايل الخاصة والمواضيع .. و و و و و و

مالك إلا هالحل وبيني وبينكم عندي إحساس أنه في حد مطبق هالحل عنده فالبيت

أظني عرفتوه اللي مطبق هالفكرة ..

المهم ..

تخيل عمرك مضيّع الدرب وانته تسوق .. ومالك حل إلا أنك توقف حد وتسأله عن الدرب ..

وما خليت حد ما ديمت له !! وفي الأخير يوقف لك واحد وأول ما تشوفه يقولك ” نعم يا الطيب أي خدمه ؟ ” ..

شو بيكون شعورك … شعور جميل !!

عالعموم .. ما علينا من هالسالفة .. بس تذكرون قبل فترة صارت ضرابة فالمنتدى بسبت سواقة الحريم للسياكل !! والصراحة أنا لقيت الحل لهالمشلكة ..

سيكل حق نفرين .. يعني للحرمة ويا محرمها .. عاد كيف يستخدمونه !! مادري محد يسألني ..

بس دخيلكم .. لا تحولون الموضوع لنقاش حول منو اللي بيركب جدام أو الليدز فيرست ولا من هالرمسة ..

نرجع .. إلى محور حديثنا .. عاد الله والمحور !!

الأزمة العالمية !! شو سوت بالخلق !! الكل خسر وتأثر بالأزمة ..

حتى الفيران !!

على طاري الفيران .. إلا ما تولهتوا على القطاو ؟!!

ويا كثر القطاو اللي فالمنتدى وهذيلا منهم :

كل واحد يراقب الثاني ويدور عليه شي ..

أما هذا !! شاد حيله صاحبنا لا ومركب كام للابتوب !!

الله يعين !!

ما جد مرة شفتوا استهبال القطاو عالجلاب !!

(1)

(2)

شوفوا نظرات القطو في الصورة الثانية ولا جنه مسوي شي !!

.. (3) ..

أتخيل القطو يقول للجلب : ” لا لا مافيك حما لا تتروع .. اللي منتشر إنفلونزا الخنازير مب إنفلونزا الجلاب ..

خلكم من القطاو .. في حركة خاطري أطبقها على كذا عضو .. وأظني انتو بعد خاطركم تطبقونها عليه أنا .. شوفو هالحركة :

بس أنا خاطري أنزل السيف شوي تحت .. ولو سمحتوا !! لو عيبتكم الحركة مافي داعي تقولون أسامي الأعضاء

المهم .. فالنهاية نخليكم ويا مجموعة من الصور ..

شكله محشش اللي مسونها !! والله ناس فاضية

….

منو تتوقعون اللي بيود الكورة ؟!

عاد كله ولا التحفة اللي عاليمين تحت !! .. إنزين يوم انته متروع ومغمض عيونك شو اللي حادنك توقف في نصهم وتبا تيودها وياهم

…

إلا صاحبنا وين بيروم يقرا من الورقة جدام الناس دام المكرفونات في عينه !!

في النهاية .. عيبني هالكاريكاتير .. واللي يبين لنا كيف الواحد ينصدم من الواقع الأليم ..

…..

إلى هنا .. وينتهي الموضوع ..

إن شاء الله يكون الموضوع عيبكم .. وفي انتظار آرائكم وتعليقاتكم حول الموضوع ..

و دمتم ..

9 thoughts on “~ً● صور وتعليقات : آثار الأزمة على الفيران ++ استهبال القطاو ++ صور منوعة ●ً~”

Comments are closed.