٢٥٠٠ شخص ينضمون للبحث عن سيده جنوب افريقيه في دبي

السلام عليكم..

انضم ما يقارب ٢٥٠٠ شخص في دبي لحمله للبحث عن السيده الجنوب افريقيه كيري وايت..

الموضوع يذكرني تماما بالاعلام الغربي يوم تضيع او تختفي بنت بيضا(شقرا)..الاعلام مايوقف الحديث عنها و ينضم الكثير لحملات البحث و يحاول ايجادها..
مثلا البنت الصغيره(ملكه جمال الاطفال) اللي قتلت في التسعينات..
ناتلي هالواي ..المراهقه الشقره اللي اختفت خلال رحله مدرسيه في جزيره اوروبا
مس بيترسون..اللي اختفت في الينوي
و موخرا..الطفله كايلي انثوني.. اللي مب محصلينها للحين و حملات التفتيش لازالت جاريه..

كلهم شقر و بيض.. و الاعلام الغربي ما يعطي اهتمام لو المخطوف ولد او بنت اسيويه جنوب امريكيه افريقيه او عربيه..ذو البشره الملونه..

و هذي اول مره اسمع عن بنت مخطوفه في اعلامنا… وطلعت جنوب افريقيه(مب سودا)..

يلا ان شاالله ما يصير الوضع انا نسمع عن الاجنبيات الضايعات و ننسا الباقيين..اكيد في اطفال او بنات اماراتيين عرب هنود باكستانيين.. بس الاعلام مب ماعطنهم حقهم…