|۩°₪°۩| حملة ₪ خــلّــك مــواطــن غــيــر |۩°₪°۩|

9 thoughts on “|۩°₪°۩| حملة ₪ خــلّــك مــواطــن غــيــر |۩°₪°۩|”

1. 
   مرحبا أخوي مصمم أزياء إماراتي، شحالك ؟ أولاً إلي ذكرته في الموضوع هب حصراً على المواطنين لأنها في الأصل هاي أخلاق الإنسان المسلم لو بنرمس عنها من هالناحية، ولكن لو بنرمس عن الموضوع من مبدأ مواطن ووافد مع إحترامي لك أنا مواطنة وهذي بلادي أتصرف مثل ما أنا أريد دامني ما خالفت القانون، وبعدين يا خوي الهندي والمصري والسوري وغيرها من الجنسيات، يوم تروح بلادهم ما يسوون لك سالفة ولو بغيت تعترض يردون عليك ويقولون ( هالحركات خلها في بلادك هذي بلادنا نحن ) ومرات يعاملونك بقسوة والقصص في هالموضوع وااايد وأظنك قريت وسمعت شو يصير للعوائل الإماراتية في سوريا وغيرها، وهذي تصير في كل الدول حتى الأجنبية تشوف الأمريكي والبريطاني رافع خشمه عليك، مع إحترامي لك ترى المواطن الإماراتي ما في حد شراته، فمن خلال تعامله مع الجنسيات الأخرى من الناحية الفردية ( يقوم بها الأفراد ) أو من الناحية القانونية ( كلنا سواء أمام القانون )، صحيح نعصب عليهم شوي ونتنرفز في المواضيع بس في الواقع نقتدي بأبونا زايد ( الله يرحمه ) في تعامله مع العالم.

   .

   اختيه نحن عيال زايد ,, ما تعلمنا نكون إلا احسن من غيرنا ,, فلو انتي سافرتي بلاد ثانيه وتعاملتي بقسوه قولي الحمد لله اني بنت الامارات مب بنت بلاد ثانيه ,, ولا تظلمين الكل ترا في كل شعب الزين والشين ,, هندي سوري فلسطيني مصري ايا كانت جنسيته او ديانته,, فيهم الزين والشين ,, مب الكل واحد ,,

   صحيح نحن حرين في بلادنا ونسوي الي نباه ومحد بيقولج شي دامنج انتي بنت البلاد وما خالفتي القانون لكن بعد الواحد يخلي نفسه ارقى في التعامل ويكون الاحسن مب عشان الشخص الي أساء لج وانج تتجنبين المشاكل ! لاء,,, عشان ربج ودينج ,, ودينا مثل ما تعرفين دين تسامح

   قال تعالى( ادفع بالتي هي أحسن فإذا الذي بينك وبينه عداوة كأنه ولي حميم ) صدق الله العظيم

   ^_^
   

   
   
   
   السموحه

2. .

   وعليكم السلام ورحمة الله وبركاته ,,
   .
   .
   .
   .
   انا مواطنه بعد !! لكن للأسف ما اسوق !! ” راحوا العالم لو سقت ” لوول

   وطنيتيه تدفعني ابتسم لكل شخص صغير أو كبير مهما كانت جنسيته

   والحمد لله ماعمريه ابتسمت لحد الا رد الابتسامه ^_^

   ان شاء الله لو صارليه موقف بذكره ,,

   قواك الله وموضوع جمـــــــــيل ,, اشكرك عليه

   مرحبا أختي الكريمة

   شيء طيب و الابتسامة صدقة واكيد لما تكون في محلها

   وانتي أخت فاضلة ماشفنا منج إلا كل طيب و اتمنالج التوفيج في كل حياتج

   خليج معانا في الحملة و بإنتظار ملاحظاتج

   تحيتي وكل تقديري

3. .

   وعليكم السلام ورحمة الله وبركاته ,,
   .
   .
   .
   .
   انا مواطنه بعد !! لكن للأسف ما اسوق !! ” راحوا العالم لو سقت ” لوول

   وطنيتيه تدفعني ابتسم لكل شخص صغير أو كبير مهما كانت جنسيته

   والحمد لله ماعمريه ابتسمت لحد الا رد الابتسامه ^_^

   ان شاء الله لو صارليه موقف بذكره ,,

   قواك الله وموضوع جمـــــــــيل ,, اشكرك عليه

4. هـــلا أختي الكريمة السـولعية

   اتفق معاج في بعض ماذكرتيه واكيد المواطن معاملته راقية

   وانا ودّي تكون أرقى، ومن باب التشجيع و التناصح في ما بينا، طرت على بالي فكرة هالموضوع

   لا أكثر

   اشكرج على المشاركة

5. مرحبا أخوي مصمم أزياء إماراتي، شحالك ؟ أولاً إلي ذكرته في الموضوع هب حصراً على المواطنين لأنها في الأصل هاي أخلاق الإنسان المسلم لو بنرمس عنها من هالناحية، ولكن لو بنرمس عن الموضوع من مبدأ مواطن ووافد مع إحترامي لك أنا مواطنة وهذي بلادي أتصرف مثل ما أنا أريد دامني ما خالفت القانون، وبعدين يا خوي الهندي والمصري والسوري وغيرها من الجنسيات، يوم تروح بلادهم ما يسوون لك سالفة ولو بغيت تعترض يردون عليك ويقولون ( هالحركات خلها في بلادك هذي بلادنا نحن ) ومرات يعاملونك بقسوة والقصص في هالموضوع وااايد وأظنك قريت وسمعت شو يصير للعوائل الإماراتية في سوريا وغيرها، وهذي تصير في كل الدول حتى الأجنبية تشوف الأمريكي والبريطاني رافع خشمه عليك، مع إحترامي لك ترى المواطن الإماراتي ما في حد شراته، فمن خلال تعامله مع الجنسيات الأخرى من الناحية الفردية ( يقوم بها الأفراد ) أو من الناحية القانونية ( كلنا سواء أمام القانون )، صحيح نعصب عليهم شوي ونتنرفز في المواضيع بس في الواقع نقتدي بأبونا زايد ( الله يرحمه ) في تعامله مع العالم.

   .

Comments are closed.