تراها مب منقوله ساعتين وانا اكتبها هاا اقروها عدل خخخ
قصة الخليفه والاصمعي
اسمحولي على طريقة السرد >> من اولها حطيت سهومك اعرفك شو بتقول >> سرد متعوب عليه خخخ
المهم يقولكم يا شباب الخليفه ابو جعفر المنصور كان مسوي برزه للشعراء
ويبخهم بخ من هالفلوس والذهب ,,
فالخليفه حفاظا منه على المال العام قال تراني مصختها لووول
الموهيم
قال خلاص من اليوم ورايح ما بعطي هالشعراء شي يهبون >> يقصد شعراء هذاك العصر مب ربعنا
وقالهم اللي يعد عليه قصيده ما سمعتها قبل من قوله بعطيه على وزن اللي كتبها عليه ذهب
يعني كاتبنها على ورقه يوزنون الورقه ويعطونها بوزن الورقه ذهب>>وترا ورقهم قبل مب مثل ورقنا الحين
الورقه قبل وزنها وزن دفترين خلونا من هذي الامور اللي اكيد شايفينها في المسسلات التاريخيه
نعود لصلب الموضوع
قال اللي يعد عليه قصيده ما قد سمعتها من قوله له وزن ما كتبها عليه ذهب واذا القصيده منقوله او سامعنها قبل ما بعطيه الا العثره >> هااااااالخلا
وابو جعفر المنصور كان ذكي ويحفظ القصيده من اول مره يسمعها >> ما فييييه حيله مثلي 
وعنده غلام وجاريه >> بشكار وخدامه << ما فيهم حيله مثله خاشنهم ورا الستاره
الغلام يحفظ القصيده اذا سمعها مرتين والجاريه تحفضها اذا سمعتها ثلاث مرات
فكان يوم ايي الشاعر يعد القصيده قاله المنصور اووهووو هذي قديمه انا سامعنها قبل ويعدها عليه >> صارت مرتين حفظها الغلام
طبعا الشاعر كان يبطل حلجه مستغرب ويطالعه طبعا بنظرات واحد متعجب كيف القصيده انا عادنها اليوم و المنصور حافضنها
فيقول المنصور شكلك مب مصدق ويا ويهك فينادي : يا غلالالالالام
فالغلام طبعا ما يطلع من ورا الستاره ايي من الباب يربع
يقوله تحيد القصيده الفلانيه يقوله هيه نعم طال عمرك من زماااااان سامعنها وحافضنها بعد ويعدها الغلام >> صارت ثلاث مرات حفضتها الجاريه
والشاعر مبطل الحلج والعيون مثل هذا >> 
وبعدين ينادي على الجاريه ويقولها تحيدين القصيده الفلانيه تقوله نعم طال عمرك سامعتنها في برنامج شاعر المليون خخخ
الي يقول فيها ,, وتعد القصيده >> والشاعر مبطل حلجه
فيقوله دامك تهف الاشعار اقلب ويهك ولا عاد اشوفك هنيه يالدب
فيروح الشاعر مستغرب ومب عارف شو السالفه
وكل واحد ايي نفس الحكايه لين فلسو مساكين 
قبل الشعرا عايشين على لسانهم >> حتى الحين حد منهم معيشنه لسانه لووول
الموهيم
يوم من الايام الشعرا متجمعين في مجلس واحد من الربع >> خخخخ
وضرب زقاره وشاي واييهم الاصمعي >> هووب هووب انا واعزاااه
قال علمكم يا هالربع أشبلاكم ما دين البوز شبرين
رد عليه واحد منهم وقاله صدق من قال يلومني المستريح
يا خوي اللي صاير ,, نعد القصيد في الليل ويوم نصبح عند الخليفه نحصله حافضنها هو والبشكار والخدامه خخخ
قال الاصمعي : عيل السالفه فيها ان .. هدوني عليه
قالوله : اذكر الله هذا الخليفه المنصور يالدب
قال : ما عليكم انتو ,, ويقوم الاصمعي ويرتب قصيدته المشهوره
ويتلثم بغترته وهووووووب انه عند الخليفه
*××*
الاصمعي : السلام عليكم ,,
الخليفه : وعليكم السلام علمك يا اخ العرب
قاله الاصمعي : انا فلان شاعر من شعراء الموصل و عطاه اسم ثاني >> نهاش فتي الجبل والبراري والقفار لوووووول
قاله الخليفه : اشعندك
قاله الاصمعي : طال عمرك عندي نيسان بترول موديل 95 للبيع
قاله عندي قصيده بعدها عليك شو عندي بعد
قال الخليفه : اهااا ,, زين يا نهاش ,, عارف الشروط ؟؟
قاله الاصمعي : نعمممم طال عمرك
قاله الخليفه : أسمعنا يا هذا >> قوافي مره قالت لي يا هذا توني عرفت وين يايبتنها خخخخ
وعد الاصمعي قصيدته المشهوره
صـــوت صفير البلبلي **** هــيـج قلبـي الـثملــــي
المـــــاء والزهــر مـعا **** مع زهـــــر لحظ المقلي
وانــت يـا ســـيد لــي **** وســــيــدي ومــولـلـي
فــكم وكـــــم تيـمنـي **** غــــــزيل عـقـــــيـقــلـي
قطـفـــتـه مـن وجــنة **** من لـثم ورد الخجــــلي
فـقـــــال :لا لا لا لا لا **** فـقـد غــدا مــــهرولـي
فعتدل الخليفه في جلسته خخخخخ قال ول قام يلالي
والخــــــوذ مالـت طربا **** من فعــــــل هذا الرجل
فـولوَلـت وولـــــــولـت **** ولــــي ولــي يا ويـلـلي
فـقلـت : لا تـــولـولي **** وبــيِّـنـــــي اللـؤلــؤ الـي
قالت : له حين كــــذا **** انهـــــــــض وجـد بالنقلي
وفـتـيــة ســقـونـــني **** قــهـوة كــالعســـــلـلي
شـــمـمـتهـا بـأنـــفـي **** أزكــى من القـرنفــــلي
في وسط بستان حلي **** بـــزهــرٍ والسرور لـي
والعـود دنــــدن دنــلـي **** والطــبل طـبطب طبلـي
طب طبطب طب طبطب ****طب طبطب طبــــطب لي
لووووووووووووووووول
والسقف سقسق سقلي **** والرقـص قد طـاب الي
شوى شوى وشاهشُ ****علــى ورق سفـــرجلـي
وغرد القمري يصيح **** ما لــــلنــــفي ماللــــــي
ولـو تــــــــــراني راكـــبا **** عـلى حـــــــمار أهزلـي
يمشــي عـلى ثــلاثــــة **** كمـشـــــيـة العـرنـجـلي
والـنـــاس ترجـم جـملي **** في السوق بالقلقـلـــلي
والـكـــــــل كع كع كعِ كع **** خـــلفـي ومن حـــويللي
لــــــــكـن مشيتها هاربا **** مـن خــشيـة العـقـنقـلي
إلــى لـقــــــــاء مــــلـك **** مـعـضـم مـبــجـــــــــلــي
يأمـــــرني بـخــلـــــــعـــة **** حــــــــــمــرا كَـدَمِّ دُمّـلي
أجـــــــر فــيــها ماشــيا **** مـــبـــغــددا لـــذيـــــلـــي
انا الأديب الألــــمـــعـي **** من حي أرض الموصلي
نظــــــمت قطعا زخرفت **** يــعجــز عــــنـها الأذبلي
أقــــول فــي مطلــعــها **** صـــوت صفــير البلـبــل
خخخخخخخخخخخخخخخخ مافييييييه حيله
الموهيم
بعد ما خلص الاصمعي قصيدته هالمره بطل حلجه المنصور قال في خاطره بلللللل
ما حفضنا شي غير صوت صفير البلبلي خخخخخخخخخ
قال المنصور: نادو على الغلام >> ازقرو الطباخ
ويا رفيق يربع ,, سم طال عمرك >> أيس فيه
قاله سمعت القصيده الي يقولون فيها صوتت صفير البلبلي
قاله : لا ارباب انا مافي اسمع
قال المنصور اقلب ويهك ,, نادو على الجاريه >> ازقرو الخدامه >> لاكشمي خخخخ
قال لها : سمعتي قصيدة صفير البلبلي
قالت : حشى يا طويل العمر
قال الخليفه : يا نهاش ما رزقك الا من عند الله هات ما كتبت عليه القصيده
قال الاصمعي : كتبتها على لوح من رخام واريد حد يساعدني >> الاصمعي طلع فلته وخطير مثقلنها عدل خخخخ
ولما وزنو الرخام هف كل الذهب اللي في الخزنه >> مب هين الاصمعي داهيه
وهو طالع قال واحد من ربع الخليفه ,, اظني هذا الاصمعي
قال الخليفه : بالله عليك ؟؟ هاتووووووه
قاله الخليفه عق الغتره عن ويهك ,, ولا الاصمعي
قاله الخليفه : وييييييييحك ,, رد الذهب يالدب
قاله الاصمعي : برده طال عمرك بس بشرط
قاله الخليفه : قول >> تقلقلت حنوجك خخخخ
قال الاصمعي : تعطي لكل شاعر ثمن قصيدته هذيلا فقرا و وراهم عيال
قال الخليفه : انزين ,, وافقت
وتوته توته توته خلصت الحدوته
وهذا رابط صوتي للي يبا يسمع القصيده والقصه بدون خرابيط خخخخ
لسماع القصيده والقصه اظغط هوووونا ,, رووعه
والسموحه منكم على الاخطاء الاملائيه كتبتها بسرعه وبدون مراجعه
شغل ايديه وحياة عنيه اللي يبا ينقل لا ينسى يذكر المنتدى كمصدر للنقل
ما عليج زود والعين ما تعلا على الحاجب
هلا بأختي سلوى زارتنا البركه
والحمد لله انها عجبتكم ,,
شرفتي الموضوع ونورتي القصه
لاهنتي على الحضور والرد والتشجيع
تقبلي فائق ودي واحترامي لشخصك الكريم
شكراً ,,
والقادم أحلى .. ,,,,
الذين يشاهدون محتوى الموضوع الآن : 9 ( الأعضاء 5 والزوار 4)
كبير المستثمرين, أميره, alro_o7, ديور, Marzoogi
اسفرت وانورت
اشكركم على التشجيع والحضور
شغل حلو و سرد غريب عجيب بس ممتع
يسلمووووووووو
و جهد طيب
الذين يشاهدون محتوى الموضوع الآن : 9 ( الأعضاء 4 والزوار 5)
كبير المستثمرين, أم سعيد 2, ديور, سلوى
وين ردودكم ؟؟ ما اشوف غير رد سلوى
مــــا شـــــاء الله تـــنـــفــــع كــــــاتــــــب مــســلــســـلات للـــتـــلـــفـــزيــــــون