حبيت اعتذر للاخوان الي طالبين من عندي وتأخر عليهم المندوب وايد .. 3 ايام او اكثر فوق المده المحددة ( تقريبا اسبوع وشوي ) .. وبصراحه ماتسوى عليه الواحد يتريا هالمده عشان بس يوصله الطلب .. انا بنفسي ما ارضاها 
بس خلاص المشكله انحلت والعقد الي ويا الشركه لغيته وفريته عليهم .. اكثر من مره مسودين ويهي ويتأخرون على الزباين واخر مره امس بصراحه فشلوني ويا واحد من الاعضاء فالمنتدى
ومن اليوم ورايح التوصيل بيكون عن طريق ارامكس لجميع مناطق الدوله .. والمنطقه الغربيه راك اكسبريس
والي تأخر عليهم المندوب سويتلهم خصم 25% على السعر صح اني خسران بس هذا حق الزباين ولازم ياخذونه
ولا تسألوني اي شركه الي كنت متعاقد وياهم .. لان في ناس الله يهديهم يمدحونها وللحين مصرين على انها زينه ومابا ادخل فنقاش حاد وياهم .. وانا شفت العكس بصراحهـ خدمه 0% !! عيل توصيل داخل الامارات ياخذ اسبوع ليش يوصلونه بسيكل ولا بسياره ؟!!
اكرر الاعتذار والسموحه منكمـ
اخوكم سلطان 
تحية تقدير واحترام لاخونا سلطان على اخلاقه العاليه
الله يباركلك و يوفقك في تجارتك
اخوي انا اتعامل مع شركة ايليت
ومن كثر المشاكل
تميت اعتذر من الناس تقريبا 6 شهور
ع التاخير
واحس انه الحين افقد فيتامين الاعتذار
من كثر الاعتذار خخخخ
مب عارف شو اسوي
لان الانسان من طبعه ينسى
ههههههههه والله ياخوي محد يلوومك
لكن امبوست ماعندهم خدمه cash on delivery وهذا الي ماخلاني اتعامل وياهم
لان اغلب الزباين يحبون طريقه سلم واستلم
بس والله ياخوي محد يلومك اذا قمت توصل الطلبيات بنفسك .. ولا مذله هالشركات الي كل يوم معاملتهم تصير للأسوىء
والله المستعان
تسلم اخويه