حبيت اعتذر للاخوان الي طالبين من عندي وتأخر عليهم المندوب وايد .. 3 ايام او اكثر فوق المده المحددة ( تقريبا اسبوع وشوي ) .. وبصراحه ماتسوى عليه الواحد يتريا هالمده عشان بس يوصله الطلب .. انا بنفسي ما ارضاها 
بس خلاص المشكله انحلت والعقد الي ويا الشركه لغيته وفريته عليهم .. اكثر من مره مسودين ويهي ويتأخرون على الزباين واخر مره امس بصراحه فشلوني ويا واحد من الاعضاء فالمنتدى
ومن اليوم ورايح التوصيل بيكون عن طريق ارامكس لجميع مناطق الدوله .. والمنطقه الغربيه راك اكسبريس
والي تأخر عليهم المندوب سويتلهم خصم 25% على السعر صح اني خسران بس هذا حق الزباين ولازم ياخذونه
ولا تسألوني اي شركه الي كنت متعاقد وياهم .. لان في ناس الله يهديهم يمدحونها وللحين مصرين على انها زينه ومابا ادخل فنقاش حاد وياهم .. وانا شفت العكس بصراحهـ خدمه 0% !! عيل توصيل داخل الامارات ياخذ اسبوع ليش يوصلونه بسيكل ولا بسياره ؟!!
اكرر الاعتذار والسموحه منكمـ
اخوكم سلطان 
هههه يمكن انتي جي .. بس بعض الزباين مايحبون الطلب يتأخر .. يعني لازم نرضي جميع الاطراف
بس حركه التوفير مالتج حلوه بصراحه ههههـ
مشكووور ياخوي وهذا كله من طيب اصلك والله
ههههه الله يعينك
والله حتى نحن فقدنا فيتامين الاعتذار .. بس يقولك الواحد مايتعلم الا يوم يغلط
وأعتقد انك تتعامل ويا راك اكسبريس حاليا .. خلك معاهم على الاقل شوي اهون من غيرهم
وان شاء الله بيكون بيننا تواصل وويا كل التجار فالمنتدى عشان نشوف حل لموضوع التوصيل هذا
شي معروف ان نفس هالشركات تتأخر ..عن نفسي عادي أتريا مااستعيل عالطلبيات
… لكن يوم اكون مستعيله اطلب منهم مع الاراميكس 
… وعشان جي الاسعار تختلف من بينهم والاراميكس ياخذ أكثر … فليش العيله وأخسر عمري زياده <<< زطاطه