السلام عليكم و رحمة الله و بركاتــــــــــــــــه
اليـــوم قلت بطرح موضـوع لاعادة احيــــاء الكلمات القديمــه الي اندثـرت مع الزمــن
و ان شاء الله أحاول اجمــع اكثر عدد من الكلمــات البدويــه و معانيـــهــا
نبــدأ ان شــاء الله مع الجـــزء الأول
و الي عنــده اقتـراح يقـــــول ليــــه
حـــوا
هذي نبتــه تنمـــو عند هطول المطر
يعني ” يوم ايي الحيــا تنبـت حــوا “
وهيه نبتـه تكون ملتصـقة في الارض من دوون ســاق و تكون أوراقـها خضـرة ..
على فكرة طعمها حــلو
الشــبـيـرطــي
هــو العنـكبــوت الســـام و هــو ســريــع جـــدا
و هــو يشـل العقارب على ظهرة
التيـيـل
هـو الخــط الابيــض الي يطلع في الســماء يوم تخـطف الطيـارة
ملاصــه
نسميـها الحلجـه
الي هيه سمـكة الرمــال و يكون ملمسـها ناعــم
الســويــعيـــة
هيــه العبـــاه
السـعــن
مصنوع من جلد الماعز و يحفظون فيه الماء سابقا
و اكثـر شي يسـتخدمــه الي سايــر المطـراش
الرولــــة
هيــه نوع من أنــواع الشجــر و بعضـهم يستخدمـونـها علشان يعلقــون عليـها الاشياء مثل السعـن
الخصـف
هــو اليــراب
النــداف
هو من يقوم بعمل فرش النوم والتكايات ( المساند ) ومراتب الجلوس ( المطارح )
والنهيلي ( غطاء مزدوج ) وقد كانت الأدوات التي يستخدمها النداف قديماً بسيطة ويدوية
ولم يستخدم فيه الآلة على الإطلاق وغالباً ما يستخدم نفس القطن القديم الذي يعمل على
تجديده بتنجيده بالآلة البسيطة ليكون صالحاً للاستعمال مرة أخرى .
الكيرخـانة
هيه الالــه الي تستخدم لخياطــة الملابــس
يعني ما كينـة خيــاطــة
الوقيــشي
هـو نـوع من انــواع الفيــران اصغـر من اليــربوع
و يتغذا على عرووق الاشجـار البـريه
و لونـه من لون الرمــل
اليـلال
هو الخيشــه أو اللحـــاف
يخيـطونه الاوليين و ينحط على ظهــر الرجـاب او يتلحفون بـه
و المثل يقول
” أيرب و حطووا عليه يلال”
يعنــي المثل يقـصد المسكيـن حـاله ايـرب و ما يتحمــل حالتــه
و نحـن نزيــده يلال يـزيــد من همــه
مطمّــر الشبــوك
هو الي يقــول كلامــه و لا يحاسب عليــه و لا يحاسـب على تصرفاتــه
يحـسب عمـره فــوق النـاس و ما يثمـن رمسـتـه و لا أفعالــه
الكندورة أم الصيــبــان
هيـه الكندوورة الـي يلبســنها الحرمــات قبــل و اتكــون تلمــع
الشــرهـــة
هيـه تيي بـ معنيـيـن
الشــرهــه الي هيــه الزعـل أو العتــب
و معناها الثانـي العطيــه يعني المشاهـرة ( المساعدة)
و كانوا يسمون الشونـه ( الشرهــه )
و اسمـــوحـــــــــــه
مرحبا ALL BLACKS
في البدايـة شكرا على تعقيبك و انا ما تطرقت لاصول هذي الكلمات و من وين يايه اصلها ؟؟؟
لكن اهلنا الاوليين كانوا يقولون دختور و كرخانه و الوقيشي او بقيشه تختلف من قبيله للثانيه
و طبعا اكيد فيه كلمات مثل ما قلت
يايه من التجار مثل الكرخانه و غيرها
على فكرة المعني اللغوي (غير العامي) لـــــ الـدكتـور يعني المهندس
و اصلها لاتيني 
بس نحن نقول دختور للطبيب و هالشي معروف من زمان
و طبعن فيـه كلمات مميزة لاهل البر و لاهل البحر
ان شاء الله بنعرضهن في المرات اليايه
عذرا للمداخله
الكيرخـانة ( اصلهاااا فارسي )
هيه الالــه الي تستخدم لخياطــة الملابــس
يعني ما كينـة خيــاطــة
الوقيــشي ( الاسم الصحيح بقيشه )
هـو نـوع من انــواع الفيــران ( القوارض ) اصغـر من اليــربوع
و يتغذا على عرووق الاشجـار البـريه
و لونـه من لون الرمــل
دختور = طبيب ( كلمه فارسيه )
شكرا يالدختوره ونتري يديدج
والله اشياء يديده
والله يا دختورتنا علمتيني معنى كمن كلمة ماكنت اعرف معانيهم بالضبط
في انتظار الجزء الثاني
ويعطيج الف عافية