• أيام الشَعر المنكوش والريول الحافيه وشريط الذكريات ..

19 thoughts on “• أيام الشَعر المنكوش والريول الحافيه وشريط الذكريات ..”

1. يالله… ما أحلا ذيج الأيام

   أذكر سالفة استوت لي يوم كان عمري 8 سنوات تقريبا والسالفة كانت في بيت يدي.

   هذاك اليوم كانت أمي عازمة ربيعاتها من كل مكان ومسوية لهم غدا في ميلس يدي. المهم أنا كنت صغير ويالس أدور لي شغلة أتسلى فيها (من كثر الملل).

   المهم طاحت عيني على وقاية زوجة يدي الرابعة فقلت في خاطري:

   “” ليش ما أحرق الوقاية الي في الممر وأرد أطفيها بريلي مثل ما يسوون في الرسوم المتحركة”” (متأثر وايد).

   المهم حرقت الوقاية وجان تشب النار في الممر واحترقت كراتين الماي واركظ لا تركظ وينج يا الدرب.

   وأنا شارد والحريم كلهن يركظن وراي في الحوي يبغن يزخني ولكن تركظ ورا منو. والمهم آخر شي احتميت بيدي وجان يحظني الله يطول بعمره وايقول للحريم الصغيرون عندي ولا حد يمسه.. الله يطول بعمره. والله كانت ذكريات جميلة.

   مشكورة أختي ع الفكرة

2. ههههههههههه اكيد راسج ضرب فالكارونه مالت الدفريشن

3. هههههههههه الحمد الله على السلامة

   الظاهر الجو كان بارد وحبيتي تتدفين حليله الريال

   سامحيه عاد تلاقينه هو بعد هب مسامحنج لين هذا اليوم

4. سلامااااااااااااااااااااااااااات

   شو مودنج تحت موتر الريااال .. الحمدلله مااياااج شي

   

5. الا ليت الشباب يعود يوما
   الله يرحم ايام الحواطة في دائرة المياه ومدينة زايد في أبوظبي
   كانت في بداية الثمانينات

Comments are closed.