▁▂▃▅▆▇ ۩۩ واحـــة الأحـــلام ۩۩ ▇▆▅▃▂▁

.

.

.

السلام عليكم و رحمة الله وبركاته

هالفكرة يتني اليوم

شرايكم نحط أحلامنا هنيه و بدون تأويلات، لأن تفسير الاحلام يبيله دراية و خبرة

شوفوا هالحلم اللي حلمته

كنت انا و أمي و معانا ناس بسيارة

الناس ماعرفهم و اشكالهم مو واضحة في الحلم

كنا ماشين على خط

سيح كلها صحرا

و الجو غيم

وكان كل شوي نشوف ناس تأشر لنا اننا نوقف لهم

انا كنت اسوق و كنت خايف اوقف

وكنت اظن انهم قطاع طرق أو حرامية أو من هالقبيل

المهم

الشارع بدأ يصعد على فوق

مثل الجسر

و نحن نازلين

لقيت الناس اللي كانوا يأشرون لنا مسوين مثل نقطة تفتيش

و يأشرون للسيايير

سيارة يخلونها تعبر و سيارة يوقفونها

انا كنت وايد خايف و مرتعب و حسيت انه في شي مب زين بيستوي

قبلنا كانت في سيارة فيها صاحب السمو الشيخ محمد بن راشد آل مكتوم نائب الحاكم

خلوه يمر

و يوم يا دوري

نزلوني و خذوني و خلوا أمي و الناس لي ويانا يمرون و شفت أمي تمشي بنفس الاتجاه لي راح فيه الشيخ و باجي الناس اللي ماتفتشوا

انا خلوني اوقف بطابور في ناس وايدين

و الوقوف كان بشكل عرضي، يعني عدال بعض

طبعا الجو مخيف و الناس هذيلا لي وقفونا كلهم لابسين عسكري و معاهم أسلحة

يا واحد ضخم لونه اسود و شكله عصبي و يخوف وشايل رشاش كبير

و خطف على الطابور لي انا واقف فيه

وانا كنت مرتعب و ميت خوف

يوم خطف عدالي و عدى .. عقبها بشوي انا طحت

ومن الخوف قمت بسرعة تعدلت و رجعت وقفت مكاني

لكن الريال حس فيني

و رجع يصارخ و يزاعج و يقول منو هذا اللي تحرك !!!

المهم يا عندي و خلاني اقعد على ركبتي و تم يصارخ عليا و يهددني و حط الرشاش ع راسي

وانا ميت خوووووووووف و كأني بحقيقة مو حلم

و النذل ماسكني من رقبتي و هزأني و بهذلني

وفجأة طلعت طلقة من الرشاش

ش تتوقعون صار !!!

النذل لقيته طايح متخرطف في دمه و أمي الله يحفظها من بعيد شايلة رشاش و طلقت عليه

انا تميت اصيح بمكاني و اهي تناديني تقول تعال عبدالله تعال بسرعة

اووووووووووووف

كان حلم جنه حقيقة

………

شرايكم فيه

يله كل واحد يحط لنا حلم من أحلامه