█░◄ زميلة العمل واسقاط الميانة!►░█

19 thoughts on “█░◄ زميلة العمل واسقاط الميانة!►░█”

1. .
   وايد اماكن فيها اختلاط لكن الجو اللي فيه محترم جدا واكبر مثال عدنا في الوزارة
   الحمدلله ما عندنا موظفات فاصخات حيا كلهن محتشمات ومحترمات
   واللي تسير الدوام متعدله ومتكشخه وحاطه فل ميكب اب ومطلعة شعرها هاي
   مغازلجيه ووتبا حد يتحرش فيها
   لا اتقول والله انا اتعدل حق عمري هالكلام ما يمشي علينا ولا على غيرنا
   تبين تتعدلين في بيتكم بين أهلج وأخوانج وريلج أما في مجال الشغل والعمل
   لا والف لااااااااااا
   المحتشمة الناس تحترمها وتكون محل احترام وتقدير
   وبدون ما الوحده تتكلم الواحد يحترمها

   المشكله في الى تكون محتشمه ومع الوقت بتتغير و تستوي مثل الباقي ……………….. و بعد مب شرط ان الى تريد تسولف مع الشباب تكون حاطه ميكاب في وايد بنات في وزاراة ودواير حكوميه مب بس بدون مكياج الا بنقاب و الدنيا عندهن بخير …………… في مثل يقول ابعد عن الشر وغنيله يعني بالعربي ماله داعي الاختلاط من اساسه

   بس المصيبه انه صار الزامي و غصب عنك يعني يخترعون اسباب الاختلاط من لا شيئ في كليه من الكليات المعروفه والمشهوره في الامارات كل يوم والثاني ماخذين مجموعه من الشباب مودينهم كلية البنات او العكس بحجة محاضرات او في زياره من مفكرين …… الاختراع الجديد مالهم اون بزار اي بزار اي خرابيط مغازل و ترقيم والحين مسوين كم صف للبنات في كلية الشباب و عادي مع بعض في المكتبه

2. بترضى في يوم ادش الدوام عند اختك او حرمتك وتلقى واحد يسولف وياها ويشرب شاي فمكتبها ؟

   لو فرضنا قلنا صديق او من باب الزماله لااقل ولااكثر تتوقع بيتم الحال على ماهو عليه كل يوم بنفس

   الرتم ؟ تتوقع الزماله تستمر والا تتحول الا شي ثاني مع الايام ؟

   طبعا انا ضد هالشي والواقع مايجبرنا ننقاد خلف هالاشيا الاراده والبحث عن البديل موجود والله سبحانه وتعالى جعل الدنيا دار اختبار هب دار انجرار للامور الواقعيه مثل مايكرر البعض كل ماصار شي قالوا

   شي لابد منه ومانقدر عليه هذا كلام الضعيف الاايمان والي يسهل على الاشيطان اللعب فيه وجره الى طريق الهلاك من حيث لايشعر

   اخي العزيز
   العلاقة بين المرأة و الرجل لها حدود و احترام
   تفكيرنا و موروثنا الحقيقي يثبت عكس الواقع المرير اللي نعيشه هالأيام

   زمان
   كان النبي – صلى الله عليه وسلم – يمر على جماعة النساء و يسلم عليهم
   وكانت الوحدة منهم تدخل عليه و تعرض عليه مشكلتها بدون تحرج لدرجة ان الرسول مرة استحى من موقف من وحدة من الصحابيات

   شوف عزيزي
   مو ذنبي ان نظرة المجتمع تغيرت
   لو انته و غيرك ينظر للمرأة كجسد أو لحم للنهش فهذا رأيكم

   ولو دشيت المكتب عند اختي او زوجتي و لقيت موظف عندها

   فهو عندها اكيد لأمور تخص العمل

   الحمدلله عندي اخوات موظفات و الكل يشهد بأخلاقهم و احتشامهم

   و وحدة منهم بعد ماتزوجت و قدمت استقالتها

   وصلني علم ان مدير شؤون الموظفين يمدح بأخلاقها و اجتهادها بعملها

   ياليت اللي يقرأ ردي هذا و اللي قبله

   مايبدالي بالاسطوانة التقليدية و يسألني هل ترضى زوجتك او اختك او بنتك !!!

   انا رجل انظر للمرأة كإنسان و احترم كل انسانة محترمة و أقف اجلالاً و احتراماً لمكانتها و احترامها لنفسها

   أما البنت الغير محتشمة

   فهذي الميانة عندها طايحة سواء كانت موظفة أو غير موظفة

   اتمنى تكون وجهة نظري وصلت

3. .

   .

   .

   الاختلاط لابد منه شئنا أم أبينا
   وبرأيي لازم يكون بحدود الشرع و العادات والاحترام المتبادل

   ماعتقد فيها شي لو سلمت على زميلتي في العمل، او شربت شاي في مكتبها

   عــــــــادي

   بترضى في يوم ادش الدوام عند اختك او حرمتك وتلقى واحد يسولف وياها ويشرب شاي فمكتبها ؟

   لو فرضنا قلنا صديق او من باب الزماله لااقل ولااكثر تتوقع بيتم الحال على ماهو عليه كل يوم بنفس

   الرتم ؟ تتوقع الزماله تستمر والا تتحول الا شي ثاني مع الايام ؟

   طبعا انا ضد هالشي والواقع مايجبرنا ننقاد خلف هالاشيا الاراده والبحث عن البديل موجود والله سبحانه وتعالى جعل الدنيا دار اختبار هب دار انجرار للامور الواقعيه مثل مايكرر البعض كل ماصار شي قالوا

   شي لابد منه ومانقدر عليه هذا كلام الضعيف الاايمان والي يسهل على الاشيطان اللعب فيه وجره الى طريق الهلاك من حيث لايشعر
   

4. السلام عليكم

   البنت اللي تشتغل اما انها تحترم نفسها أو انها تجلس في البيت أشرف واخير لها

   ما يصير انها تفصخ ثوب الحياء وتسولف مع كل من هب ودب لآزم يكون هناك حدود

   يجب عليها عدم تخطيها والآ على الدنيا السلام .

   البنت أم المستقبل ومربية الأجيال القادمه وفاقد الشيء لآ يعطيه

   شـكــ وبارك الله فيك ـــرا لك … لك مني أجمل تحية .

5. لكل شخص يقرأ الموضوع ، يحاول يتذكر اقرب وحده من اهله (اختك، امك، بنت عمك، بنت خالتك) ممكن تشتغل او تشتغل. تذكرتها عدل

   الحين

   تخيلني انا معاها، اطيح الميانه و لا ما اطيح؟ (طبعا لا انت و لا الي “من اهلك” يعرفون شو نيتي)

   لو اخترت اني اطيح الميانه و عادي، انت لو دخلت علينا و انا امزح مع “اهلك” عادي؟؟ (شاب شو بيكون المزح مع بنيه)

   انزين انت دخلت و يلست معانا في المكتب عادي اكمل ؟ و امزح معاها؟ و العب ؟ و انكت؟ (و الا بس من وراك)

   انزين لو اكمل و عادي؟،لو دخل علينا مراجع و نحن نسولف؟ اكمل؟

   انزين لو المراجع اربيعك او يشتغل معاك (اختار شخص معين و تخيله)، بتقوله حياك هذي “وحده من اهلي” وهذا زميلها عادي؟ (ولا بس جدام الي ما يعرفونك)

   انزين لو كل يومين امر عندكم البيت زيارة العصر، عادي ايلس وياكم في المجلس و سوالف؟ (ولا بس في الدوام و بعيد عن البيت)

   انزين الربع الباقين الي ويانا في المكتب، عادي ايون معاي و نتيمع كلنا و نمزح ؟ (ولا بس واحد واحد)

   انزين لو سرنا كلنا الي في المكتب و غيرنا جو في مطعم محترم او كوفي شوب؟ (و لا بس داخل مكتب و محد يشوف شو انسوي)

   انزين لو انا حزين و وحيد و قلبي يعورني، اخبرها عن مشاكلي و جروحي؟

   .
   .
   .

   و هذا الي صاير مب خيال، لكن نحن انعرف و نحاول انطنش

   الي اداوم معاه ابنيه يحشم عمره و يحشم المكان الي هو فيه، و اذا البنيه عقلها صغير انت لازم اتكون رزين و تحافظ عليها، الدوام للشغل هب للمزح، تبا تمزح عندك مليون شنب حواليك سير امزح وياهم لا اتلزق في الحريم

   و البنيه اتحط شي في راسها محد يرضى انه يتزوج وحده مسترخصه عمرها، الا لو كان مريض نفسيا او ضعيف شخصية او ما فيه غيره على بناته و اهله و عمره ما بيدافع عنج اذا حد غلط عليج (اذا ترضين بشخص بهذي المواصفات، قووو اهيد)

   ملاحظة: لو وصلت الا اخر سؤال و انت اتقول عادي، اسف فهمتني غلط كنت اوجه اسألتي لرجال

   

   تسلم إيدك على هالرد الرائع.
   في الصميم بصراحه.

   حطيتلك عليه وسام التميّز.

   بس ما أخفيك، الوسام مغشوش ترا،
   لأن اللي يعطيه كبير المستثمرين فقط،
   بس إنته مشّي حالك فيه في الوقت الحالي.

Comments are closed.