السلام عليكم ورحمة الله وبركاته
ماعرف اذا مكان الموضوع صحيح ولا لأ (عذرا من الجميع) 
اولا: انا عندي سيارة مأمنتنها شامل لكن التصليح خارج الوكاله وقيمة الـتأمين 12.500 درهم في شركة الشارقة للتأمين
ثانيا: تاريخ 9-10-2010م سويت حادث والحمدلله الله ستر , المهم انا (المتضضرة) ولست المتسببه بالحادث , علما بأن سيارتي وسيارة المتسبب صادف انهم الاثنين بنفس الشركة (انا شامل واللي دعمني ضد الغير).
ثانيا: تاريخ 9-10-2010م سويت حادث والحمدلله الله ستر , المهم انا (المتضضرة) ولست المتسببه بالحادث , علما بأن سيارتي وسيارة المتسبب صادف انهم الاثنين بنفس الشركة (انا شامل واللي دعمني ضد الغير).
ثانيا: رحت على طول خذت سيارة ايجار عشان اروح وارجع فيها للدوام
ثالثا: يوم الاحد تاريخ 10-10-2010م اتصلت بشركة التامين وقلت لهم مسويه حادث وقالولي بيتصل فيج ريكفري وبياخذ السيارة الشارجه علما باني من دبي ومأمنه في شركة الشارقة للتأمين (فرع دبي) وعقب 4 ساعات نفس اليوم خذو السيارة وودوها في كراج للشارقه وقالولي بيصورونها وبيردون يخبروني.
رابعا: يوم الاربعاء تاريخ 13-10-2010م (يعني بعد يومين) اتصلت بالشركة في فرع دبي عشان اشوف شو صار في موضوع السيارة , وقالي موظف بالشركه المندوب بعده مايانا عشان نفتح الملف وانتظري لين باجر ولا عقبه لين ما ينفتح الملف وقلت بكل سرور شوركم وهداية الله .
خامسا: انتظرت يومين كما وعدوني بالرد ولكن لم يتم الاتصال بي و رابع يوم اتصلت بروحي اللي هو يوم الاحد 17-10-2010م الساعه 9:30صباحا وقالي الموظف اللي بالشركة اسمحيلنا الحين بنتصل في المندوب عشان يطرشلنا الصور , المهم قلت له يعني اتصل اليوم ولا لأ ؟؟ قالي ساعتين اتصلي وفعلا بعد ساعتين اتصلت فـ قالي: والله اختي موضوعج سار الفرع الرئيسي اللي بالشارقه وعطاني رقمهم واتصلت فيهم ورد علي موظف وقالي:نحن بنشوف اسعار الكراجات وبنرد عليج بس عطينا يومين , قلت له بكل سرور: اوكي خذو راحتكم .
سادسا: من تاريخ 17-10-2010م الى تاريخ 21-10-2010م (يعني 4 ايام) لم يتم الاتصال , قلت بتصل وبشوف شو موضوعهم , المهم اتصلت قالي الموظف: اختي طرشنا موضوع سيارة لخبير فني لان قيمة التصليح غاليه , وانشاءالله بنرد عليج خلال يومين بالكثير , قلت له: اذا قيمة التصليح غاليه ليش وافقتو على تأمين السيارة بالبداية ؟؟ وبعدين لتل نتضررة وغير متسببة يعني مب شغلي ابدا , المهم تم يتمتم لين ما صدعت وقلت له مع السلامه.
سابعا: تاريخ 24-10-2010م (يعني 4 ايام بعد) اتصلبي الخبير الفني وقالي ييجتمع معاج واشرحيلي الحادث ومكان الحادث وفعلا اجتمعت معاه وشفنا مكان الحادث وراح .
ثامنا: من تاريخ 24-10-2010م الى تاريخ 28-10-2010م (اللي هو اليوم) لم يتم الرد علي , واتصلت فيهم قبل اشوي رد علي الموظف وقالي: انتي بروحج اتصلي بالخبير وشوفي شو بيقولج وخبرينا !!! قلت له: اخوي انا مأمنه شامل وانا متضرره ولست المتسببه وبعدين مب مهمتي في فلان وعلان علشان التصليح , المهم حطاني في الهولد تقريبا نص ساعه لين ما بروحي صكرت !!
الصراحه فلم مكسيكي مب حادث
من تاريخ 10-10-2010 الى تاريخ 28-10-2010 (يعني 18 يوم) لم يتم لمس السيارة والسيارة واقفه بالشمس !! والسيارة اللي ماجرتنها من 18الله يعين كم بيطلع ايجارها
اقسم بالله اكره تأمين شفته وفوق هذا القهر اني مأمنه شامل + انا متضضرة ولست المتسببه تعبت والله تعبت ماعرف شو اسوي وياهم
تعبت والله تعبت ماعرف شو اسوي وياهم ياليت حد يخبرني شو اسوي والله كرهت حياتي وياهم وجزاكم الله الف الف خير
شو هاللعبه التامين الشامل واضح سواء متسبب اومتضرر بعد مايصورن السياره عنده يومين وخلاص يبدون الشغل فالسياره وحلوه هذي سالفه الخبير الي يبي يعرف كيف الحادث اول مره اسمع عنها الله يسهل الامور
هذا يسمونه إستعباااااط.
يبغونج تزهقين و تطلبين أي حل.
أولا، طرشيلهم ريال يفاتن عليهم. و عقبها سييييييده خبري عليهم حماية المستهلك.
ولا أقولج،
إشحقّه تعورين راسج و تفاتنين عليهم،
بلغي عليهم سيده.
و هذي طريقة التواصل بجمعية حماية المُستَهلَك.
الرقم: 600545555
الموقع: http://www.uaescp.ae/
تسلمون يا رب .. باجر بروحلهم وبحتشر عليهم واذا ما فاد بروح الدايرة الاقتصادية ..
– سيارتي 2008 وعقد التأمين يقول (تصليح كراج) واذا كاراجاتهم مب زينه يستوي بروحي اقولهم بوديها الوكاله او كراج على كيفي وانتو ادفعو قيمتها ؟؟
هذا كله كلام فااااضي .. انا سويت حادث وكنت متضرر والله لعنت خيرهم ف شركة التأمين
اسبوع واحد خذو السياره وصوروها وكل شي الاسبوع الي عقبه اتصلو فيني تعال شل موترك ههههه
يبالهم ريال يصلخهم ويحتشر عليهم عدل ف الفرع .. مررره عند المدير الفاشل مالهم ويعطيه كملتين ف الصميم
يخليه يستحي على ويهه ويبدون بالاجراءات كلها وعلى طوووووول…
والشور الثاني عندج الدائره الاقتصاديه .. وعندج حماية المستهلك .. وعندج استديو 1
اشتكي ف الاماكن ال3 هذه وسوي لهم زوبعه ولا تسكتين عن حقج موووووليه ..
وانا اقولهاا لج والله العن واخس شركة تأمين شفتهااا الشارجه للتامين زباااااااله عزج الله
احسن شركات وارتحت وياهم الخزنه .. وشركة ابوظبي الوطنيه للتامين >> لان اهلي يشتغلون هناك ههههههه
وعسى ربي يعينج عليهم .. بس لا تخلينهم ولا تسكتين عنهم .. جايفين حرمه مب مسوين لج سالفه