◄أنت تحتار►

29 thoughts on “◄أنت تحتار►”

1. ما ازيد على كلامج بشي لانه 100% من الواقع

   ما كنا نتمنا نشوف محتاج في الدوله يحصل مساعده من عقب ما ينشهر في الاعلام..
   ولكن للاسف شفنا هالشي. يعرضون قصة حياة اسره محتاجه وبعدين يساعدونها

   صدقت يا اخوي
   ما تنسى فيه محتاجين عزيزي نفس عن مد الأيادي
   وما عندهم غير الله سبحانه
   وان شاء الله ربي بيفرجها عليهم بوجود أهل الخير

   تسلم على متابعتك .. فيك الخير 🙂

2. على فكره الشيخ محمد بن راشد تبرع لكل طالب حالة اهله الماديه ضعيفه ويدرس في المدارس الحكوميه بمبلغ 10 الاف درهم لكل طالب وهذه التبرعات كانت من اسبوعين في رمضان

   والنعم به وهالشي مب غريب عليه
   ودومه كريم بطلته من زار المستشفيات وشاف حالها
   وكريم بعطفه لاهتمامه بالمرضى والمحتاجين
   وكريم بعطاءه لتبرعاته للطلاب

   وأبد ولا نتجرأ ننكر هالشي

   لكن العتب على اللي يقدر لكن يدير ظهره
   وليت تكون فيه حملة ثانية لداخل البلاد وبدون إعلان اسم المتبرع
   وبنشوف كم المجموع.!

   تسلمـ أخويـ 🙂

3. والآن وزعت على الطلاب مثل دفاتر الشيكات فيها 20 صفحة

   وكل صفحة بـ20 درهم يعني المجموع 400 درهم

   لكن انقول الأقربون أولى بالمعروف……

   يزاهم الله خير ونتمنى لو يوزعون ربع المبالغ الخيالية
   للي يحتاجونها في البلاد بتكفي وتزيد
   ترى عيال البلاد مب وايد

   ودام في الإعلام الكوفي بـ 20د
   والحذاء بـ 2000د
   والسيارة بـ 400 ألف د

   وهالشي شمل كل عيال البلاد بانه هذا مصرفهم
   المفروض يعطونهم أكثر من 400 د

   تسلم اخوي:)

4. ما أعتقــد ان المفــروض حد يع ــترض أو حتى يمانع في التبرع للخارج
   ويدثــر كلامه بـ “الأقربــون أولى ” لكن في حل وسـط

   فمهما كان هذه الدولـة غنيــة بالنسبة للدولة الي يقدمون التبرعات لها
   فهي دولة فقيــرة عندها نقص في موارد الحياه إثر حروب وأطمــاع سياسيه !!

   الح ــل الوسط ، يقسمون التبرع ــات بحيـث يكون في نسبة منها للمحتاجين داخل الدولة
   خصوصاً إنه دبي للعطــاء وصلت أموال التبرع ــات عندهم فوق الـ 100 مليون درهم من أول أسبـوع !!

   مشكــورة ألـوان =)

   الشكر لله الغالية
   واسمحيلي أعلق على قولج (ويدثر كلامه بـ الأقربون أولى بالمعروف)
   تعرفين وكلنا نعرف انه هذا كلام الله سبحانه وكمسلمين لابد نذكر
   ونفيد بعض بحجج قوية مثل كلامه عز وجل..
   وبنتم نرددها لين ربنا ياخذ أمانته طول ما احنا نشوف ناس كانت بسنة من السنوات
   عايشة بنعمة أو نقدر نقول بطبقة متوسطة ومع الأيام وبسبت تغيرات البلاد وارتفاع اسعارها
   لخاطر فئة معينة وعلى حساب فئة ثانية بدت عليها ظواهر الطبقة الفقيرة
   واذا الفئة اللي ذكرتيها عانت من نقص موارد الحياة بسبة حرب أو أطماع سياسية
   بقول لج اللي في البلاد بدو يعانون من النقص بدون الحرب او الأطماع

   شاكرة لج تواصلج 🙂

Comments are closed.