شحالكم ؟ عساكم بخير ..
والله عاد انا اليوم ما كنت بخير .. بخبركم السالفة ..
اليوم البيت كان فاضي ماما طلعت مع خالتي و بابا محد
وقبل ماتطلع ماما نبهتنييييي قالت لي انتبهي لو ظهرتي لا تنسين مفتاح البيت .. قلتلها زيين ..
وانا و بنت عمي و اختها بس فالبيت .. و اختها مواصلة من امس سهرانه و كانت توها راقده
ظهرنا انا و بنت عمي عشان نشتري اوراق هني مررة حذال البيت يعني مشوار خمس دقايق
المهم رحنا يوم ردييييييت انصدمت .. اطالع جي فإيدي اشوف خذت سويج السيارة بدل مفتاح البيت !!
والشيخة نايمه فوق عاد هاي شو بيقومها و هي مواصلة
المهم حرقنا الجرس و دقدقنا الباب بالنعاااااال و الله قلنا الجيران بيوون الحينه ..
ومافي فايده ..
جيكنا على كل الدرايش و البلكونه الي تحت كلهم مسكرات ..
قلنا ماشي غير نشوف طريقة نطلع فوق ندق على دريشتها ..
رحنا ورى البيت دورنا دري .. لقينا دري رااايح من الدنيااا قديم و مغبر وحالت أمه حاله ..
يبنا حاولنا من كذا مكان نطلع .. و خايفيييييين و صدق صدق يعني شغل حرامية
خفت حد من الجيران يشوفنا يبلغ علينا والله
المهم وانا اشجع بنت عمي و تشجعني و نطلع نص الدري و نخاف و ننزل ..
وتقول بنت عمي ساايرين من كم يوم وايلد وادي ونازلين من الزحليقة العووووودة و هني مب قادرين نطلع
امحق ..
بس الحمدلله تطمنت لو يانا حرامي مابيقدر يدخل بسهولة ..
المهم عاد انا زايغة من ماما ياويلي .. قلت لبنت عمي بندق ع الشرطه !
مب الشرطه فـ خدمه الشعب ؟؟
قالت يلا بس انتي ارمسي انا استحي فشله !!
تميت ميودة التلفون ساعة بس ماقدرت اتصل استحيت و الله ..
شوي و ماما يت مع خالتي .. طبعاً امي لعنت خيري وقالت بتنضربين اليوم هههههههع
ماما معصبة راحت تييلس فالسيارة و انا فخاطري اقول هاي ميته فوق و لا راقدة !!
المهم خفت من امي وايد و عاد هني تشجعت و دقيت ع الشرطه
رد علي الريال قلتله اخويه انا فمشكلة وماعرف شسوي قلت ادق عليكم .. قالي خير وو الخ
قلتله بنت عمي مواصلة و راقده فوق و بالغلط خذت سويج السيارة بدل مفتاح البيت الحينه نبى ندخل البيت مب رايمين وايد حاولنا ماقدرنا شنسوي ؟
تم يسأل و جي بعدين قال اطرشلكم الدورية ؟ قلتله شو بيسوون ؟ قلتله لا يكسرون الباب مافينا
قالي شو نسوي انزين ؟ قلتله يستوي تطرشون لنا سيارة اطفاء عسب نوصل للدريشة فوق و ندق ع بنت عمي و تنش تبطل الباب ؟؟
والريال يضحك و نحن فمشكلة و انا جاده فاقتراحي !! المهم قالي ماعرف شو ممكن يسوون احولج عالضابط تكلمينه ؟
قلتله لا كلمه انت و خلاف خبرني شو ممكن تسوون ..
وشوي ماما يت كانت تتريا فالسيارة ..
و كانت وايد زعلانه و معصبه علينا و وبروحها كانت تعبانه فديتها ..
قامت بنت عمي قالت بحاول مرة ثانية .. حطينا الدري من ورى البيت عالدريشة
طلعت الدري الحمدلله و يوم وصلت تيبست .. علقت عالدريشة ماتقدر تطلع و ماتقدر تنزل ..
والله انها خاااااااطرت بحياتها و انا ميته من الضحك تحت
رد دقلي الشرطي قالي شو صار وياكم ؟ قلتله شكله الموضوع بينحل
والحمدلله استجعمت قواها و طلعت دقت عالدريشة و نشت اختها و فتحت لنا الباب
ودخلنا و انا زايغة من ماما بس الحمدلله كانت تعبانه و راحت تنام ماسوتلي شي ههع
وصدقوني الله مايضرب بعصا .. تدرون ليش ؟
لنه طلعتنا اصلا كانت عشان نشتري اوراق برنتر
لنه بنت عمي تبغي تبرشم بالكمبيوتر عندها امتحان باجر ..
وسبحان الله يينا و استوالنا الفلم الهندي ..
وهذا ويهي لو مارسبت باجر الدومبة .. قلتلها كله منج هذا عقاااااااب من الله ..
المهم الحمدلله ع سلامتها .. و توتة توتة خلصت الحتوتة ..
عجيبـــات و اللــه
..
و قولي حق بنت عمج هالمرة تعلقتي فوق عشان تبين تبرشميين .. قولي توووووووبة
..
يحلييييييلج انتي توهقتي بالقوووووو .. بس فكرة عجيبة (سيارة الإطفاء) ..
..
الحمد لله على سلامتكم حبيبتي .. و أشوة الـ ماما ما عصبت علييييييج
موقف طريــف ..!
ان شاء الله ما يتكـرر معـاكم ^^
*_^
ربي يسلمكم بن مطير و بزنس ومن
وعساها ضحكه دايمة بس مب دوم علينا عاد ههههههههههه
ربي يحفظكم =)
وهج ربي يسلمج حبوبة و زين عيل ماكنتي ويانا !!
ماكان في حصى جربنا نفر الدريشة بالنعال الله يعزج .. لكن ماقدرنا كان صعب علينا ..
اسميه النعال راح فيها البارحة هههه
كان صعب لنه الدريشة مكانها صعب بالنسبة لنا ..
المهم انها عدت على خير =)
و تسلمين يالدومبة
انا مب راعية مغامرات ؟ لا فديتج عيل بعدج ماتعرفيني هههههههع
أحب المغامرات مع اني وايد خوافه ..
عيل يوم كنت صغنونة شوي .. أصغر بكمن سنه ..
أحيد رحنا بيت خالتي و فالطابق الثاني فالنص مفتوح يعني نروم نشوف تحت ..
وانا عاد يبت مظلّــة و خلاص كنت بنزل من فوق لين تحت بالمظلة شرات الرسوم
<< متأثرة برسوم سنبل
وكنت خلاااااااص بنزل بالمظلّة بس خفت و الله تخوّن فيني
وترد على ورى و اطيح .. زين يوم عقلي رد لراسي و لا كنت في عداد الموتى الحينه هههههههه
و ربي يسلمج يالغاليه تسلمين =)