۞ بسم الله الرحمن الرحيم ۞

اولا قبل كل شي

قولوا

ما شاء الله تبارك الله
(تدرون عن الحسد..حتى عالنت قاموا يصكون بعين )

ارجع فوق اذا ما قلت

خلاص الحين تقدر اتكمل

ادري اذيتكم..بس يالله تعبان عالصورة والموضوع يستاهل

المشاركة اليوم غير عن كل المشاركات (يلا خلصنا ادخل في الموضوع)

مشاركة بصورة غالية جدا علــي

الصورة اللي بتشوفونها اتصورت قبل 24-25 سنة تقريبا

طبعا كانت ضايعة من كم سنة بحكم اني انتقلت مرتين ..دورتها قبل فترة وما خليت مكان لين ما فقدت الامل..صدق اتحسفت عليها…..
امس اخوي يا عباله يدور صوره ويشلهم من البيت وياخذهم عنده وحصل هاي الصورة، مع اني دورت بنفس المكان بالساعات..فرزت صورة صورة..وما لقيتها ( 3 كراتين)

الصورة ترجع لــ

للسنة الدراسية الاولى لي شخصيا – الصف الأول في عام 1984

سبحان الله، الانسان لما يكبر تمر عليه وايد اشياء في حياته بعد فترة ينساها وصعب يتذكر تفاصيلها حتى لو كانت قبل كم شهر..الا الاشياء اللي مرت في حياته لما كان صغير وبالذات في السنوات الاولى للدراسة، يتذكر اغلب الاشياء بالتفاصيل كأنه فيلم مسجل في ذاكرته ويقوم بإعادته في مخيلته

شفت الصورة..الحمدلله ذاكرتي ما خانتني وتذكرت عدد لا باس فيهم من الطلاب…طبعا ما التقيت في اي واحد فيهم بعد الصف الثالث والرابع تقريبا لان انتقلنا لمدرسة ثانية، مع عدا واحد بس كان معاي في الثانوية..وواحد شفته قبل سنتين تقريبا في فيديو كليب لاحد الفنانين الخليجيين

طبعا ما بذكر اي واحد فيهم حفاظا على الخصوصية

احتمال حد من اللي في الصورة اتعرفونه او مر عليكم

وعن الحش والتقطيع <====== …

Style 84
ما كان يلبسونا بربري وقوتشي

من الحين اخبركم..لا حد يسالني او يخمّن اي واحد انا ====> مستحيل اجاوب (المستحيل بزاتو)

اذا عرفتوا حد خبرونا


للعلم تم احلال المدرسة قبل كم سنة لاعادة بناءها

حقـــــوق الموضوع والصورة محفوظة، لذا يمنع نقل الموضوع والصورة الى منتديات اخرى او الايميلات بدون استئذان

اتمنى الموضوع نال رضاكم وهالله هالله بتعليقاتكم

19 thoughts on “【ツ صورة من ألبــومـي الخاص: صورة جماعية للصف الاول في عام 1984 ツ】”




  1. الكاتب : رحال


    اكيد 1964 من غير اي تفكير اذا ماطلع هو المدرس بعد

    99% من ردودك تهلكني ضحك خخخخخخ

    ما شاء الله عليك عندك سرعة بديهه غير طبيعيه

    ألف مبروك .. لقد سعدت بهذا الخبر

  4. نــــو كومنت

    حاول مرة اخرى

    حتى لو حد خمن صح ما بجاوب

    لازم مابتجاوب لانك انته المصور نشفت دم الطلبه والمدرس

    __________________

  5. في البداية مثل ماقلت .. ذكـروا الله..

    ماشاء الله ..

    حلو يوم انه الواحد عنده صوره تذكره بـ ناس وربع كانوا في يوم من الايامـ وياه … ويذكرهمـ ..
    والاحى انهمـ .. كذلكـ يذكرونكـ بـ كل خير ..

    انا عندي صورة يوم كنت في سادس ابتدائـي.. بس مالقيتهـا.. ما أعرف وين نفدت!!
    ان شاء الله ألقـاها في القريب العاجـل..

    المهمـ !
    انا طلعتكـ .. وعرفتكـ ..

    بـ صراحه .. في البداية كنت شاكـ انه الصورة قبل الـ 84 .. بس عقب اكتشفت ..
    انه الصورة في الـ ثمانينات وانه المدرسه نفسها اللي انت دارس فيها .. // يعني صادق .. بس .. بس حزتهـا..

    ما كنت طالب وياهمـ ..
    انت كنت هذا … !!

    طبعاً.. سوالف .. خيوو ..

Comments are closed.