السلام عليكم ورحمة الله وبركاته
موضوعي عن الناس اللي تبيع بدون ضمير
انا بتكلم عن تجاربي الخاصة :
1. خذت انفنتي اف اكس 50 وراعي السيارة يقولي ما فيها صبغ ويحلف بعد المهم انا فحصتها وللاسف طلع كلامه صحيح لكن يوم ييت ببيع اكتشفت ان السيارة فيها صبغ ؟؟؟ في الوكالة فحصتها
2. انا من ابوظبي وذاك اليوم طلعت من الدوام متسعيل اتصلت بريال وقلت له بنسير العين نشتري سيارة المهم سرنا العين ووصلنا عند الريال وفحصنا فحص عادي على قدنا يعني وعيبتنا السيارة ولولا توفيق من ربي وربيعي اللي قاللي خلنا نفحص في كراج اسمه التكنولوجيا اليابانية في صناعية العين انا بصراحة كنت متردد اني افحص. .. المهم فحصنا واكتشفنا اكثر من نص السيارة مصبوغ !!!
اللي ابغي اعلق عليه ليش مثل هالاشخاص يكتبون في اعلاناتهم السيارة ما فيها صبغ ولا اي حادث .. والله حرام وعيب والغريب ان الريال سوا عمره متفاجئ وانا طبعا كنسلت ورديت البيت وكنت اتوقع ان الريال بعد ما اكتشف انا السيارة مصبوغة يعدل اعلانه ويكتب مصبوغة لكن للاسف ما عدل …. شو بيفيده الحرام واكل الحرام ..
اتمنى من الجميع لا يتهاون ابداا في الفحص في محلات معروفة عشان ما يعق فلوسه في شي مغشوش
على فكرة الريال لين الحين اعلانه عندكم في المنتدى وانا ما ادري هل يحق لي اكتب في الردود اللي تخص موضوعه ان السيارة مصبوغة ولا ما يحقلي
والسموحة اني طولت عليكم
اخوي معظم اصحاب المعارض همهم الربح لا غير و تسمع شروط تضحك خاصة في موضوع التأمين الي تدفعه
مثال : مرة رحت اخذ بي ام 750 من معرض في دبي . حصلت سيارة نظيفه و شرط علي راعي المعرض 5000 تأمين قبل الفحص على اساس انه مافي شي مبدل فالسيارة . انا عطيته الفلوس ونيتي اذا فيها صبغ او رش او تصليح اخذ التامين .
طلع الباب الي ورى مرشوش وفيه معجون . فقال لي شرطي كان وياك انه مب مبدل . ؟! وقال لي اذا ماتبغي راح عليك التأمين . انا زين اني خذت منه وصل بالمبلغ و ما كتب فيه شي الا قيمة المبلغ . تليفون لاخوان شما بعد نص ساعه صار فيها حب خشوم عشان اخذ التأمين و اروح و نزل سعر السيارة من 155000 الي 135000 مره وحده . بس طنشته ورحت . الريال الي ياني قال لي الحركة هاي منتشرة عند اصحاب المعارض
نعم اني متاكد اقولك فحصت عند اقوى كراج في العين والريال ما قدر يرد عليهم يوم قالوا نص الموتر مصبوغ
والله القصد اني اساعد الناس ما ابغي افضحه
بس هل هو عادي اني اتكلم ولا الدين مانع هالشي؟
هي والله لو انك متأكد اكتب في موضوعه عسب ما اييه واحد ويفحص فحص بنغاليه وينغر بالريال مربي لحيه او غيره وياخذ السياره
بيني و بينك افضحة عسب يكون عبرة لغيره