السلام عليكم ورحمة الله وبركاته
موضوعي عن الناس اللي تبيع بدون ضمير
انا بتكلم عن تجاربي الخاصة :
1. خذت انفنتي اف اكس 50 وراعي السيارة يقولي ما فيها صبغ ويحلف بعد المهم انا فحصتها وللاسف طلع كلامه صحيح لكن يوم ييت ببيع اكتشفت ان السيارة فيها صبغ ؟؟؟ في الوكالة فحصتها
2. انا من ابوظبي وذاك اليوم طلعت من الدوام متسعيل اتصلت بريال وقلت له بنسير العين نشتري سيارة المهم سرنا العين ووصلنا عند الريال وفحصنا فحص عادي على قدنا يعني وعيبتنا السيارة ولولا توفيق من ربي وربيعي اللي قاللي خلنا نفحص في كراج اسمه التكنولوجيا اليابانية في صناعية العين انا بصراحة كنت متردد اني افحص. .. المهم فحصنا واكتشفنا اكثر من نص السيارة مصبوغ !!!
اللي ابغي اعلق عليه ليش مثل هالاشخاص يكتبون في اعلاناتهم السيارة ما فيها صبغ ولا اي حادث .. والله حرام وعيب والغريب ان الريال سوا عمره متفاجئ وانا طبعا كنسلت ورديت البيت وكنت اتوقع ان الريال بعد ما اكتشف انا السيارة مصبوغة يعدل اعلانه ويكتب مصبوغة لكن للاسف ما عدل …. شو بيفيده الحرام واكل الحرام ..
اتمنى من الجميع لا يتهاون ابداا في الفحص في محلات معروفة عشان ما يعق فلوسه في شي مغشوش
على فكرة الريال لين الحين اعلانه عندكم في المنتدى وانا ما ادري هل يحق لي اكتب في الردود اللي تخص موضوعه ان السيارة مصبوغة ولا ما يحقلي
والسموحة اني طولت عليكم
لا يستر عليه .. الي متى وحنا نستر على ناس ماعنده لا ذمه ولا ضمير
نفضحه علشان ماحد يسوي مثله ويغش المسلمين
وهم بعد ناس تاخذ الحذر منهم ….
الله يهدي الجميع ان شاء الله
استر على الريال و احذره على الخاص و خلي الموضوع بينك و بين مشرف القسم
لاتنسى انه كل انسان يغلط (اسمه انسان مب ملاك) و الله يهدي
والله ياخوي ماعرف شو اقولك
هو شي يقهر الصراحه انه ريال طول و عرض يجذب عشان فلوس
ياخي ليش مايتكلم و يقول الموتر مصبوغ و انا صابغ الموتر عند كراج فلان و شغله نضيف بس سعري ثابت و غير قابل للتفاوض هني انا بقوله اوكي الحلال حلال ماتبى تنزل برايك بس ارمس قولي شوي عيب الموتر
او يمكن الشخص ماخذ الموتر مستعمل و مايعرف عيوبه!
ياخوي والله يما سمعنا سوالف الي يبيع الموتر و عليه مخالفات و يحلف الله انه بيدفعه بعد ماتشتري الموتر و اخر شي يوهقك
و في ناس مساكين عادي يشتري الموتر بدون مايشيك اسبوع الي فات كان عندي اكورد و كاتب عليه sale وقفني واحد قالي ابا اسوق الموتر ركبت ويا عطيته تست درايف خذ لفه و طوال على المسجل و يرب السي دي و قالي هذا فلوسك يالله حولي الملكيه باسمي و انا مستغرب اقوله سقت الموتر و طولت على المسجل بدون ماتفتح البونيت و بتشتري الموتر !!! و خذ الموتر والله بدون مايشيك علي الموتر ( الحين الغلط من منو و للعلم الموتر مصبوغ و قلتله قالي مب مشكله انا اصلا بصبغه ههههه)
انا اتاجر في السيارات و مب دايما المشكله من البايع مرات من المشتري
و كم مره اقول بديل الفيول بمب بدل هالقطعه والخ و الزبون يهمل الشي و اخر شي يتصل فيك معصب و زعلان انزين الحين شو يخصني حذرتك و قلتلك
في النهايه البايع لازم يرمس عن عيوب السياره مهما كان السعر اهم شي ينام وهو مرتاح و شي ناس ماعندهم ضمير والله يهديهم
و الشراي لازم يتاكد من حاله الموتر
و الله يعوض على الي طاحو و ثقو في ناس بلا ضمير
و الله يوفق الجميع ان شاء الله