السلام عليكم ورحمة الله
اسعد الله صباحكم بكل خير
الشيف .. كبير المستثمرين سيعلمكم الطبخ 
ببتدى وياكم اول شي في الطبخات الخفيفه .. شوي شوي .. حبه حبه .. وبعدين بندخل في الطبخ الثقيل 
طريقة عمل .. سلطة الفواكه .. fruit salat .. فروت سلط .. 
المقادير:
لـ 4 اشخاص
برتقالتين
8 عنبات خضراء
8 فراولات
8 كرزات
8 توتات
12 توتات بريات
4 صحون فاضيه
تفاحتين حمراوتين >> يا سلام على حمراوتين درر درر
الطريقه :
نغسل الفواكه بالماء الفاتر >> عيني عليك عجبتني الفاتر
ننزع عنقود الفراوله ونقطعها افقيا 4 قطع >> حلوه تنزع سجل يا تاريخ متعوب عليها 
وبعد ذلك نقشر البرتقال و يفرد ونشل الغشاء عن الفنخ ثم نقطع كل فنخ 3 قطع >> عجبتني فنخ .. صح انها قديمه ولكن مؤثره هههههه
يقطع التفاح الاحمر الى 4 قطع ثم نقطع كل قطعه الى ثلاث قطع او شرايح
نضع الفاكهه المقطعه مع الصحون الفاضيه في الثلاجة لمدة ساعتين او ثلاث حتى تبرد
نطلع الاربع صحون ونحط فيها من كل نوع شويه ونخلطهم وبالهناء والشفاء
ملاحضه مهمه : لا تقطع التوت والعنب والتوت البري والصحون
تابعونا فالقادم أحلى و أجمل و ألذ ..
هيه والله اشوف كل واحد يدش في موضوع ديره يقول بطرشها عند عشق القصيد شكيت في عمري
خلهم يطرشون وفالك طيب..! بسوي عند بيتنا مائدة رمضان حق هالمساكين الهنود..! وأنت حافظ على رشاقتك يا توم كروز
شوف واقرا هالرد .. واتعلم اشوي كيف تختار طبخاتك علشان اتعلم غيرك .. حتى الفروت سلط ما فلحت فيه بدون عصير ولا ايسكريم راحت عليه هذي ويزاها خير ساريه نبهتنا أن الخلطه ناقصه
انزين انا ابا طريقه كيكه سويسريه لوول اخاف الا يسفرني سويسرا ههههههه
يا سلاااااااام عليكم
يعجبني اللي يشد حيله ويجرب
بس ابا اعرف كيف ما حصلتي توت بري وما حصلتي تفاح احمر ؟؟
انتي وين ساكنه ؟؟
موزنبيق ولا نيجيريا ؟؟
كبيركووووو نشتري غريضات هالطبخه من كارفور ولا الجمعيه
والخاشوقه ليش لونها مب ابيض على لون الصحن
انزززززين ونتريا الجزء الثاني ومايكون صعب شرات هذي
والله يابومحمد ودي ارد بس مافي بترول لاني اناظر الساعه اههههه
باقي 36 دقيقه الله يعديها على خير اما السلطه والله بس لونها وخلطتها حللللللللوه
مع الايسكريم جربها ماراح تخسر تسرسح على الكبد ,,,,