بعد 14 سنة تدخين
و3 محاولات باتت بالفشل
كنت أشوف فيديو في اليوتيوب
وشفت واحد فيه سرطان ( بعيد الشر عنكم )
يتكلم وفيه غبنه ويقول انه ندمان على التدخين
وبعدين عرضوا صورته وكيف اتطور المرض فيه
وبعد سنه عرضو صورته وهو ( ميت )
أعوذ بالله شعر جسمي كله وقف
وقلت لا يابوي لا يحوشك
كله ولا سوء الخاتمة
ونويت
وتوكلت على الله
وخذت بالأسباب
وابتعدت عن المقهى
ورميت كل شئ يذكرني فيه
وما قمت اطلع مع اي مدخن
وخذت لي نيكوتين ستيكر
وطلّعت لي هوايات من تحت الأرض
ودعيت الله
وألحيت في الدعاء
وإقتنصت أوقات الاستجابة
ووصيت الوالدين أنهم يدعولي ( الله يحفظهم لي يا رب )
وكل واحد رايح العمرة اطلب منه الدعاء
وألحين تركت التدخين بلا رجعة ( اللهم لك الحمد والمنة )
وأسأل الله أن يتوب علي
وأن لا يرجعني إليها مرة أخرى
اللهم إني أسألك الثبات في الأمر
والعزيمة على الرشد
اللهم حبب إلينا الإيمان وزينه في قلوبنا
وكره إلينا الكفر والفسوق والعصيان
فأسأل الله الذي بلاكم به
أن يعينكم على تركه
ويحسن لكم خاتمتكم
وتذكر دائما وأبدا
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
والسلام عليكم ورحمة الله وبركاته
الله يثبتك إن شاء الله وتكون قدوه حق شبابنا
الله يبعد عنهم التدخين إن شاء الله
المشكله يوم تنصحه قال فالك طيب
وعقب سااعه تشووفه شاب الصلب
بس الله يهديهم ان شاء لله
الحمد لله أفتكيت منها
إن شااء الله ربي يثبتك ،، ماشئ يي من ورا هالتدخين الا المرض و لوعه الجبد
أبوي صار له 40 سنه يدخن
ياماا حاولت وياه ماشئ فايده
جد يوم كنت اركب وياه و انزل الجامعة الكل يتحراني انا ادخن ريحته لازقه في العبااه لووعه
الحين منعته يدخن أقل شئ وانا وياه
نسال الله له وللجميع الهدايه
امين يا رب العالمين
امين يا رب العالمين
امين يا رب العالمين