السلام عليكم ورحمه الله وبركاته
واحد من الربع يبا يبدا بزنس على قده بـ 15 الف درهم
وللحين محتار مايعرف شو يسوي
قلتله بدخل المنتدى وبشوف الاخوان وافكارهم وارائهم
انتظركم 
32 thoughts on “15 الف درهم .. حاب اسوي فيهم بزنس .. ممكن ارائكم واقتراحاتكم”
Comments are closed.
منو قال 15 الف ماتكفي بالعكس الف درهم وتكفي لمشروع صغير كبدايه فما بالكم 15 الف درهم فيه مشاريع وايد بس طبعا مشاريع صغيره كبدايه مثلا ايستورد اشياء من بره مثلا ساعات نسائيه او رجاليه وتكون نوعيتها زينه نظارات والنعول الخ…………….
مثلا نحن النساء نتاجر في المكياج والملابس والحمدالله وماشيه التجاره بس اهم شي زباين والشخص يكون جريئ في التسويق
الصراحه مافي احلى من التجاره حتي لو كان ربحها قليل وانا بديت تجارتي بملغ 500 درهم والمبلغ زاد بعد ثلاث شهور صار يتضاعف ويتضاعف وغير جذيه كسبت زباين ولله الحمد في بدايه المشروع راح تتعب بس بعدين هم زباين يتصلون عليك
الله يوفقك فعلا افكار الشباب جدا حلوه ومفيده وان شاله اتواصل وياكم باقرب وقت
واله الحسد الي عامي قلوب الانس والا الانس المفروض تتكاتف وكل واحد يدعم خوه الي توه بدى مافيها شي لك الاجر والثواب والدعوه الصالحه بعد هذا اهم شي في الدنيا
انا ما اتكلم عن بطايق الواصل بل عن شحن رصيد لبطاقة الواصل بطريقة او باخرى ….
مثلا 1200 درهم يكون رصيدك 1500 مثلا ………. يعني 300 درهم فايدة لك
وانا شغال في هاي الشغله وما فيها شيء
يعني لو الاخوان تكاتفو مع بعضهم كان ممكن نطلع بتيجة ممتازة
بارك الله فيك وصح لسانك المفروض كلنا نكون على ايد وحده وقلب واحد ونتعاون ونساعد بعض
واللي عنده فكره يكتبها على العام عشان تعم الفايده ويعم الخير بينكم والكل يستفيد
وجزاكم الله الف خير
اخواني انا من السعودية واعرف شباب كثاااار من عندنا يروحون الامارات ويشترون اجهزة كهربائية وزينة سيارات ويجون يبيعونها بالسعودية
واللي اعرفهم يمارسون هالشغلة ماخذينها مثل الهواية ينزلون الامارات ويتمشون ويشترون الاغراض ويردون ومبسوووطين على الاخر وهم مستفيدين مايقل عن 30% من المبلغ
ولله الحمد والمنة اعرف 2 ماوصلو 15000درهم وشغلهم ميه ميه
الاخوان اللي يقولون ان 15000 ماتسوي شئ
ممكن مشاريعهم كبيرة والله من عليهم برزق من عنده نقول لهم الله يبارك لكم في حلالكم والمفروض تساعدون الاخوان وتفيدونهم من تجاربكم
يعني انا اسمع انو كثر من ملياردير اجنبي خلف وراءه اكثر من ملونير وملياردير
يعني لو الاخوان تكاتفو مع بعضهم كان ممكن نطلع بتيجة ممتازة