شحالك عساك بخير
كنت كاتب انا موضوع قبل فترةان خاطري ببيت عشان اتزوج فابي انا نصيحتك وان شاء الله باخذ على كلامك
اول شي انا مواطن اماراتي جواز وجنسي وخلاصة وغيره يعني اصلي
انا بعقد على بنت جريب بس اهلها طالبين تسكن روحها بس انا ما بي احط مبلغ كبير عشان شقة ايجار وغيره اقول بخاطري بيت اهلي والمبلغ احطه بجيبي ونستانس انا والحرمة ونسافر ونيي وغيره بس اهلها يبون بيت او شقة ان شاء الله غرفة وحمام وصاله ومطبخ بس انت تعرف ايجارات بوظبي كيف الشقة الزينة والنظيفة لعائلة يمكن توصل 150 الى 200 الف درهم كل سنة وانا الحمدلله راتبي بحدود 31000 درهم وقادر لكن اقول حرام كل شهر احط 10000 او 15000 او 20000 عشان شقة وايجار هذا اذا كان المكان نظيف وزين وانا اصلا نظام الشقق يخنقني فقلت بشتري بيت لكن البيوت كلها غاليه حتى حدائق الراحة وغيرها تبدا من 1400000 وفوق وانا راح ادفع بس خايف من سوالف البنك والدين وغيره والفوائد مادري حلال او حرام .. وبنفس الوقت اقول يمكن يطلعلي ارض بهالفترة الين اليهال يكبرون وجي .. انا عندي تقريبا مبلغ 25000 هذا غير مصاريف الزواج اللي الوالد بيساعدني فيهم بنسبة 90000 وكنت حاط المبلغ عشان اشتري سيارة بي ام اليديده لان ما عندي سيارة الا سيارة الوالد شراها لي بس دوم يسالني متى بتطلعلك سيارة ؟ 
وانا سمعت ان لو بغيت قرض مليونين لازم ما يكون عندك بيت ولا ارض وتختار البيت اللي انت تباه ولجنة خليفة ولا مادري يعطونك مليونين وعقب ما تطالب ببيت ولا ارض ..؟
والحين يتني فكرة اقول ليش ما اشتري ارض ولو نص ارض المشكلة مابيه بعيد وايد عن بوظبي يعني خليفة ب او أ طبعا مستحيل او مدينة محمد بن زايد او بين الجسرين اللي مستحيل بعد احصل ربع ارض فيها وعقب ابني بيت دور واحد وصغير واذا توفر لي المبلغ بكمل بنا وجي اضمن لي لحياتي لان الواحد ما بيفكر الوقت اللي هو فيه يفكر بعقب شو بيصير يمكن البيوت والقروض توقف فيكون عندنا شي وجياو اشتري بيت بحدائق الراحة وغيره مع انها غالية وايد
فشو الحل تشوفه لي اخوي ؟
ما بضيف شي زياده على كلام الاخ ارباب
بس صح راتبك 31 انته الحينه انسان مب معرس وبإذن الله باجر وراك مصاريف اعيال وبيت ومستلزمات الحياة الزوجيه ومتطلبات الحياه كثيره مدارس للأطفال ومستلزماتهم ونفس ماقالوا لك اعزائي الاعضاء انك تبدا بدين غلط وصدقني وخذ النصيحه انته انسان توك بادي ولازم اهل البنت يقدرون هل شي صحيح نفس ماقال الاخ يوسف من حق الزوجه انها تكون مستقله ولكن جرب الكلام الي قاله لك الاخ ارباب وحاول انك تتفاهم مع ابو البنت والله يرزقك بالذريه الصالحه
طبعا من حق الزوجه أن تطلب سكن خاص بها لكن المفروض يتفهمون وضعك المالي ..
بالنسبة للأرض و القرض من لجنة خليفه انسى .. يبالك سنين و بنين ..
يعني اذا انت محظوظ أو عندك واسطه الارض بتظهر بسنه .. بس المشكله لو عطوك أرض بدون خدمات .. يبالك تتريا .. ثانيا بالنسبة للقرض .. عندك واسطه بتحصله .. ما عندك واسطه اتريا دورك .. الله أعلم سنه سنتين .. خمس .. عشر .. 20 سنه ..
صح لسانك . اسمع كلام الريال
خذها مني قول لابو البنت عطني مليون درهم علشان بيت بنتك وقول لهم وبكل وضوح انك ما تقدر تبداء حياتك الزوجية بلديون يبون يبون ما يبون بتحصل 1000 غيرها المهم تكون شخصيتك واضحة وبشكل عام قول لهم اباها تقعد عند امي شوي وفي بيت اهلي
والله يوفقك ويسهل امرك وييسر دربك