السلام عليكم ورحمة الله
اسعد الله صباحكم بكل خير
مرحباً بكم من جديد في سلسلة الشيف .. كبير المستثمرين يعلمكم الطبخ 
اخواني واخواتي .. بدينا وياكم في الطبخات الخفيفه .. واليوم بندخل في الطبخ المتوسط وبعدين بدخل في الثقيل 
(( 2 )) طريقة عمل .. سندويش شاورما لحم .. Shawarma Sandwich .. شوارما ..
المقادير:
لـ 4 اشخاص
راس بصل ابيض
حبتين طماط
ربع كوب طحينيه
شوية مخلل
شوية بغدونس
كيس خبز لبناني
صحن فاضي للتقديم
الطريقه :
نغسل الخضار جيدا >> يا سلام عليك حلوه خضار عجبتني 
واللي عجبني اكثر انك صرت صديق البيئه تغسل الخضره .. شيف ادد الدوونيا وصديق البيئه .. باي باي منال العالم
المووهيم
يقطع البصل حلقات
ومن ثم تقطع الحلقات الى انصاف حلقات >> سجلو ملاحظه من ثم >> متعوب عليها
بعد تقطيع البصل نقطع الطماط حلقات ومن ثم يقطع الى انصاف حلقات
نغسل البقدونس بماء فاتر ثم ننتف ورق البقدونس مع العيدان الصغيره ونرمي العيدان الكبيره
تجهز الطحينيه على جنب
وبعد ذلك
تروح عند اقرب مطعم لبناني من بيتكم
وتشتري صحن شاورما لـ 4 اشخاص
ترجع البيت بسرعه قبل لا يبرد الشاورما 
تحط الخبزه وتحط فوقها شوية شوارما وشوية بصل وشوية طماط وشوية طحينيه وبالهناء والشفاء 
ملاحظات هامه :
1 – الصحن للتقديم فقط وليس للاكل 
2 – يمكنكم الاستغناء عن البصل لمن لا يحب البصل وبالطريقه هذي وفرنا قيمة البصل
وهنا نستنتج ان الطبخه هذي فيها توفير للجهد والوقت والفلوس ايضا
و تابعونا فالقادم أحلى و أجمل و ألذ ..
ماعليك كلام اخوي بومحمد طبخاتك مابينزلوا الارض
وحتى الاخت عشق القصيد قاعدة المسكينة تتعب وتشتري الاغراض وتجهز السويتات
ماتشوف انوهي مكملة لطبخاتك انتي تجهز اكلات مالحة واساسية وهي تجهز دائما الحلو وسويتات خخخخخخخ
على شو اغاآاآار..!
على التفاحتين ولا العنبين ولا البرتقالتين –>> مقادير مال البخلا
ولا على شاورما راعي الكفتيريا محي الدين..!
ما شاء الله عليك ياكبير ثرك مب هين
يالله نترياك عيل
بنروح العزبه مع بعض
انته سولنا طبخاتك العجيبه
وانا بسويلك قرص مع لبن وعسل
نتريااااااك لاتقول مشغول بعد … خخخخخخخ
بومحمد قول ما شاء الله قبل ما ادش الموضوع وبعد ما ادش وعقب ما تطلع من الموضوع
دخيييييييييييييلكم شوفو المقادير بنفسكم واحكمو
كلها من الجمعيه
لحقو عليه بموت من الضحك
ام مروه .. انا على نياتي واحاول افيد المجتمع والامتين العربيه والاسلاميه
والاخت عشق القصيد .. الملقبه بـ بعض الناس لسانها طويل و غيرانه مني
وتحاول التقليل من طبختي بمحاولاتها المتكرره بالاصطياد في الماء الغير عكر لني اطبخ احسن عنها