(39) اماراتي في كـــــنــدا ( الجزء2)

تــكـــملــة للــــجــــزء الاول

السلام عليكم ورحمة الله وبركاته
السموحة على التاخير
ظروف الدراسة اشغلتني…

في تاريخ 24_5_2008 أي الاسبوع الماضي
ياني إتصال من احد الــ( 39 إماراتي في كندا) يقولي يالله بنتلاقى بعد ساعة في… (كوكتلم مول )
قلتله تم.. ساعة بالضبط وبكون عندك ان شاء الله….

ظهرت من البيت بعد نص ساعة من الاتصال
هاي صورة البيت

واتجهت الى اقرب موقف للباصات بجانب البيت..
المهم طرشت مسج عشان أعرف متى موعد وصول الـبـــاص
ثواني إلا و يوصلني هذا المسج:

The service is temporarily off line.
We regret about the inconvenience.

إلي فهمته انه الخدمه خربانه اليوم ويعني ما اعرف متى بيي الباص
اووووووووووف شو هالنحاسة أصبحنا واصبح الملك لله

وعــــــــــاد أخوكم الصغير حمد قال انه يبى يختصر
قلت بختصر الوقت بدل عن اني انتظر الباص نص ساعة ولا ساعة… قلت أيرب أمشي من البيت إلى محطةBraid

المهم جان امشي من البيت بإتجاه المحطة وعقب 10دقايق وصلت الى تقاطع يا آخذ يمين ولا يسار
قلت كل الطرق تأدي الى روما المهم خذيت يسار

وانا امشي.. حصلت ريال في سيارته قلت خلني اسئله … سألته وين محطة بريد يمين ولا يسار
قالي: انا مب من المنطقة لكن اعتقد انك ترجع وتاخذ يمين احسن.. قلتله: متأكد قالي : ييس
قلته اوكي مع اني متاكد انه دربي كان صح…

المهم خذيت وصفه ومشيت عليه وانا في الدرب شفت طريق بين الشير بمحاذاة الشارع مبين انه درب للمشي
قلت في خاطري شــــكله هذا الدرب مختصر ..
وأحسن عن اكون على الشارع العام الرئيسي لانه مافيه مكان للمشي…

المهم مشيت في الدرب وكل ما أمشي.. اشوف انه الشارع الرئيسي يرتفع ( دربي الرملي بين الشير هوو إلي ينزل) المـــــــــــهم تميت امشي واشوف انه الشارع الرئيسي بعده يرتفع

تميت افكر واطالع يمين ويسار كــــــل المكان شــــيـر وحشيش ومحد يمشي غيري
بس الي مريـّحني انه فوق راسي ب4 امتار سكة الحديد للــــسكاي ترين المتجه لمحطة بريد يعني انه الدرب صح تقريبا…
لــــكن مكاني بين الشير شــــوي يـــخوّف لانــــــــــــه كل ما أمــــشي احصل كتبات على اعمدة سكة الحديد
( كتبات شباب سكارى و كتبات تحذير من الاقتراب من المنطقة )

وانا يالس امشي شفت الله يعزكم (…………………) __ ما ينقال الي شفته ______
فهموها عااااااااد ما يحتاي اقول… شكلي اقول احسن… شكلكم ما فهمتوا……
فهمتوا ولا….