40 الف حيلتي بهالدنيا كيف استثمرهـا !!

29 thoughts on “40 الف حيلتي بهالدنيا كيف استثمرهـا !!”

1. اختي الطيبه
   انا بديت مشروعي في 300درهم حتى ماخذتهم سلف سامحوني على هاذي الجمله هاذي حقيقه
   والحمدالله اشتغلت في الاعلانات كونت لي زباين على بعض المنتجات واليوم اصبح لي اسم ودور في المجتمع
   انصحك ماتدخلي اي مشروع خلي بيزاتك عندك وامسكي التسويق كمندوبه وبعد مااتكوني زباين اشتري بضاعه قدر الطلبيه واستفيدي في البيع
   تحياتي لكي

2. بالمارينا مول بابوظبي الاجار السنوي للكشك مابين 180 الف الى 250 الف

   افضل شي تسوينه تبدئين بشي بسيط
   
   روحي للسوق الصيني وشوفي اغراضهم واسعارهم
   
   روحي لسوق مرشد بدبي بعد
   
   اهم شي انج تاخذين شي مميز
   
   اشتري بضاعة ب5000 درهم كبداية وغلفيها بشكل حلو
   
   يعني التكلفة الاجمالية مع التغليف ماراح تزيد عن 7 الاف درهم
   
   صوري البضاعة بشكل حلو
   
   ونزلي بالمنتديات
   
   اتفقي مع مندوب يوصل الطلبات والاخوات بالمنتدى ماراح يقصرون وياج
   
   والدفع عند الاستلام او حواله بالصراف وعقب ترسلين
   
   اعتقد هالبداية حلوه وشوي شوي تكبرين
   
   لا بتتبهدلين بمكان ولا اجار ولا موظفين
   
   وبالبيت ماراح تتحركين مكان
   
   اللهم بتحتلين غرفه سب تحطين فيها العدة والاغراض
   
   
   
   شغلي خدامتكم بالتغليف وعطيها بطاقة تلفون بالشهر
   
   
   
   هاي بداية العديد من البنات والحمدلله اكتسبوا سمعة وايد اوكي
   
   اهم شي ان النك نيم مالج يكون واحد في كل المنتديات التجارية حتى ما يتلخبطون ما بينج وبين وحده ثانيه

   والله يوفقج

   فكره حلووووه واااااااااااااايد يزاك الله الف خير جاري التطبيق
   

3. جننتـــوا البنـــت

   الله يوفقــك أختــي … ويــرزقــك الــرزق الحــلال

   ونصيحــه ما تشــاركيــن حد ما تعــرفــيه

   بالتوفيــق
   

4. أوه نسيت …خلج بعيد عن الاسهم ….بتحترق فلوسج وانتي يالسه تطالعين ..

5. صح احسن مشروع هو صندوق خليفة

   صندوق خليفه مش مشروع …هاي مؤسسة لتمويل المشاريع ، يعني لازم تكون في فكرة اول و في دراسه و راس مال …والبنت محتاجه الحين للفكره فقط …
   أنا اقول مثل ماقالوا الاخوان …اشتغلي من البيت ، اشتري بضاعه من السوق الصيني او من بره و بيعيها من البيت مع التوصيل …المخاطرة خفيفه في هالمشروع ..والله يوفقج .

Comments are closed.