السلام عليكم ورحمة الله

انا حيلتي بهالدنيا 40 الف درهم فقط واحس انها بتبدأ تتناقص لو مالحقت عمري واستثمرتها ياليت تنصحوني شو اسوي وكيف استثمرها يارب يرزق اي شخص ينصحني من حيث لايحتسب يارب لاني فعلا بحاجه استثمرها

ورجاء مابي اي تاجر او تاجره يعرضون بضاعتهم لاني مابي اشتري بضاعه ومب متفرغه لهالشي !!

29 thoughts on “40 الف حيلتي بهالدنيا كيف استثمرهـا !!”

  1. اهم شي بهالشغله هي طريقة العرض والتغليف

    …

    هالشغلتين هم اللي يعطون اهميه للمنتج اللي ناويه تبيعيه

    التاجرات المحترفات حاليا يطلبون من الزباين عقب استلام البضاعة رايهم فيها

    اذا كانت الردود ايجابيه تحصليهم ينزلون موضوع عقب فتره عن نفس المنتج وآراء الزباين اللي اشترن وبهالطريقة تنعطى اهميه وثقه للمنتج اللي تبغين تبيعينه

    …

    زمان كنت اعرف وحده تشتري قمصان نوم نسائية من محلات طيف سناء بابوظبي

    تاخذه برخص وتحطه بكرتون يكون شفاف من فوق وتربطه بشريط احمر وتبيعه على العرايس

    تخيلي ان قميص النوم مع التغليف يكلفها تقريبا مابين 50 الى 70 درهم

    تبيعه ب250 و300 درهم

    اهم شي لما تاخذين اي بضاعة انج تعرفين الذوق العام والسائد بالبلد

    كمثال قمصان النوم الصينيه ما نجحت بالعالم والسبب انهم يصممون على اجسامهم

    هم من العاده اجسامهم صغيره وضعاف

    وغالبية سكان العالم طوال وجسمهم امتن شوي ولهالسبب ما نجحوا

    حتى بطيرانهم بتلاقي الكراسي ضيقه لان شعبهم قصير بالنسبة لنا

    …

    تقدرين تمرين على outlet مول وهذا على شارع الامارات وانتي يايه دبي عقب تلفين صوب العين وبتحصلينه عقب اللفه ب5 كيلو تقريبا

    خذي لفه شوفي العطور والاكسسوارات وكله ماركات بس يبالهم تغليف حلو وتبيعينهم بالسعر اللي تبينه

    اهم شي ان الزباين تثق فيج حتى تستمر وتاخذ من عندج

    راس مال هالمشروع ماراح يتجاوز ال5 الاف درهم وبترول سياره

    والله يوفقج يارب

    شكرا اخ دار زايد فعلا فكره مربحه وماتكلف وايد ربي يوفق اليميع

  2. الأخت من أبو ظبي والنعم فيهم ….

    تبي شغل من البيت أو مشروع تديره من المنزل

    دائما وأبدا أعملي مشروع خاص بالنساء والنساء فقط لان النساء ما يقصرن في الشراء

    أأمممممممممممم طيب انا موافقة بس شو هو المشروع اللي ممكن أعمله ويكون للنساء فقط

    خليني أفكر … سيبيني أقلبها براسي ………………… شو المشروع ………………………… شو المشروع

    شو رأيك تتاجري في سلعة واحدة فقط وتكون مربحة ومطلوبة والكل يباها رجال ونساء ؟؟

    معقولة ؟؟؟؟ تتكلم صج ؟؟

    أه وربي

    شو هي خبرني ؟؟؟

    أكييد بخبرك على الخاص

    المشروع سهل وبسيط ومن المنزل وربحه مضمون باذن الله وهناك أمثلة عليه ؟

    تحياتي لكل من ردوا عليكي ولكل من نصحوكي

    وتحياتي العطرة لكي

  3. انا بطرش لج المشروع عن طريق الخاص

    ولو نجح المشروع

    نبغي هدايا او انه توزعين حلوى وعصاير ع كل اللي ردو عليج وشاركوا في الموضوع بصراحة ابدعوا

    وماقصروا

  4. السلام عليكم

    الـ 40 الف ممكن تستفيدين منها في اشياء كثيره ..

    في البدايه المبلغ كله حطيه في البنك ..

    اشتري من محل بضاعه معيّنه ، واللي تحسين انها ماشيه في السوق

    قولي للمحل انك بتتعاملين وياهم وبتجيبين لهم زباين ..

    مثلاً الشيء اللي يبيعه ب 140 درهم ، ممكن يعطيك اياه ب 100 درهم

    وانتي بيعيه في البدايه على 120 درهم ، ومع الوقت المحل راح يعطيك اياه بارخص وانتي تقدرين ترخصين في البيعه

    وبعدها بيكون عندك زباين ..

    لكن من بدايتها بتدخلين بـ 40 الف ، فـ نصيحه لك لا تدخلين وتتسرعين ..

    ترى سويناها قبلك وخسرنا لين قلنا بس ، ولكن الحكمه تقول اذا بغيت ان تربح فلابد ان تخسر

    وعسى الله يوفقك ويرزقك من حيث لا تحتسبين

Comments are closed.