مستغربين من العنوان كيف هالمعادلة الحسابية تستوي
بطريقة حسابية سهلة ^_^
السالفة ومافيها … مسوين عندنا فالجامعة حملة تبرعات يبون يمعون بيزات عسبة يبنون مدرسة للاجتياجات الخاصة … وحبيت اشاركم الحملة والأجر ^^
هالمدرسة بس خاصة لذوي الاحتياجات الخاصة … ومحتايين 25 مليون عسبة يوفرون هالمدرسة مع كامل الاحتياجات … واتوقع للحين ميمعين 9 ملايين … هالخبر وصلني من وحدة من البنات الي منطمين هالحملة
وهاي بعض الصور … والسموحة ع الصور … كنت مستعيلة ومتأخرة عن الكلاس ومالحقت اصور صور عدلة 
هالصورة مسوين فيها طوب … يبيعون الطوبة ونحط فيها اسامينا و نبني يدار ^^
والي حاب انه ما يضيع فرصة هالاجر ترومون اطرشون مسج وقيمة السمج 5 دراهم
لمستخدمي اتصالات … ارسل كلمة طوبة او bricke لــ 9050
لمستخدمي ادو … ارسل كلمة طوبة او bricke لــ 9100
وغير الحسنات الي بتحصلونا … بتكسبون شي ثاني
بتكونون من السبعة الي يظلهم الله في ظله ^_^
عن أبي هريرة رضي الله عنه عن النبي صلى الله عليه وسلم قال : ” سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد ، ورجلان تحابا في الله اجتمعا عليه وتفرقا عليه ، ورجل دعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خالياً ففاضت عيناه ” متفق عليه
والسلام خير الختام
يزاج الله خير اختي
بس كيف جيه كاتبه
ترومون اطرشون مسج وقيمة السمج 5 دراهم
شو يبيعون سمج
شكرا بارك الله فيج
وين اهل الارقام الاسبشل الي قالوا فلوسهم تروح لعمل الخير ههههههههههههه
قاصين على منو بس ..!!
قد قلتها من قبل هالفئه بس هدفهم المظاهر لكن في عمل الخير شرده
كلكم تذكرون ضاحي خلفاء في اعصار جونو شوقال في الجريده
اين ال50 الف مليونير اماراتي ؟؟
الهلال الاحمر السنه الي طافت طالب التجار بدفع 2مليار ونص وقال ماوصلنا غير 50 مليون فقط ؟؟؟ طبعا كانت هالمطالب عبارة عن مجموع الزكاه عن كل تاجر
ووين الي يقول هالتجار ابوابهم مفتوحه للكل ههههههههه
صح كلامكم مفتوحه للراقصات ولمشاريع الفنادق والبارات في لبنان ومصر وسوريا واوكرانيا اما مدارس لذوي الاحتياجات الخاصه
او تكملة بناء مساجد محد يقوم فيها غير الشيوخ والمؤسسات الخيريه وفئه قليبله جدا من التجار الي ربي هداهم
نفسي اسمع حد في يوم يطالب بجمع التبرعات لاقامة فنادق؟؟ او لاقامة شاليهات؟ او لاقامة بار؟؟
سبحان الله محد غير اماكن الخير هي الي تحتاج للتبرعات لانه محد يهتم فيها ولاحد يفكر فيها الا يوم ينغصبون عليها
مشكوووووووووور