السلام عليكم ورحمه الله وبركاته
اليوم اعطيكم عصاره معدتي قصدي خبرتي
1- لا تحاول الكذب على المرأه فإنها ستعرف انك تكذب من صوتك
( طبعا المرأه حاطه رادار و مجسات و اجهزه الاحساس بالزلال تكشفك على طول يعني اذا اتوهقت تم كح 24 ساعه عشان ما تنكشف و دوم قول انك مزجم عشان ما تنكشف واذا حسيت انك خلاص انكشفت ازغد عمرك ودوخ 
)
2- – لا تهمل المرأه وهي في قمه حاجتها لك
(( طبعا المرأه في قمه الحاجه يعني انته مالك شغل في هاي الدنيا بس الا عشان اتشوف حاجتها .. وياويلك ويا سواد ليلك لو قصرت ..يعني عشرين سنه و انته تخدمها و اتشوف طلباتها بس تعال يوم واحد من العشرين سنه و لا تسوي بتكون على طول مقصر و اناني وما اتفكر الي في نفسك خخخخخخخخخ
3- – لا تسألها عن مدى حبها لك إلا عندما تعبر أنت عن حبك لها أولاً
(( طبعا ايلس صارخ طول الوقت انك اتحبها لين هي تتكرم و طبعا ترد عليك … )))
4- لا تضايق المرأه فإن قلبها كالزجاج إن إنكسر فلا يعود لحالته السابقه أبداً 
(((يعني اذا انكسر الزجاج بتم تشرشحك بالاسابيع و الشهور يعني بتم منقرد طول حياتك و بتعايرك انك زعلتها ولو حتى لو يبت لها لبن العصفور مثلج 
))
5-إن ضحكت المرأه فعلم أنها إرتاحت لك 
(( طبعا اخر الشهر بشوف ضحكتها واصله لين الشارع…يعني يا بو الشباب المعاش طار ))
6-إن إتصلت بك فعلم أنها كانت حزينه وأنها أرادت أن تسمع صوتك لترتاح حتى لو لم تعبر عن حزنها
(( طبعا انته ايلس اسمع الونان شغال 24 ساعه و اياك اتقول اي مخالف لها .. ودوم قول لها انتي الصح و الباجين غلط…………واياك اتقول انك فرحان … وااذ مليت ادعم اي سياره جدامك اذا كنت اتسوق و قول لها مشغول تراني دعمت بالسياره
)))
7-من الصعب على المرأه ان تعبر عن ضيقها فإن نزلت من عينيها دمعه فعلم أنها بأشد حالات الضيق
((( عدال …… اذا ضحكت صاحت و اذا حزنت صاحت واذا عطست صاحت واذا ياعت صاحت واذا شبعت صاحت واذا حصلت ترقيه صاحت واذا شافت ويها ي المنظره صاحت واذا صاحت صاحت يعني لولب ماي منطر 24 ساعه …. الريال المسكين اذا صاح يعني خلاص واصله حده عنده ))
اخر شي
إعلم أن إن احبتك المرأه فإنك ستعيش في سعاده أبديه .
( اذا كان حد داعي عليك ومسود ويهك في الدنيا خل حرمه اتحبك .)
شرررررررده
اكبر شررررررررررررررررده
نعم ياخووية
ومنو قال إنهن كلهن قوارير
عزيزي بعضهن دبابات
الله لا يوريك
الله يسعد كل زوجين
ويسعد قلوبكم
خخخخخخخخخ
يعني اذا ما عندها اي شي في حياتها
لازم تنغص عليك
بس
طبيعه فيزلوجيه مربوطه في الكيمياء العضويه …
عندها جينات وراثيه اسمها
ازعاج اكس وايد زد
يعني تلقها ابروحها يالسه في امان الله
مرهوحده تنغص عليك حياتك
خخخخخخخخخ
شـكــ وبارك الله فيك ـــرا لك … لك مني أجمل تحية .
الريااال يا خوي عنده اربع خيارات والحرمه عندهها اختيار واحد فكيف ممكن انها ما تسوي هذي الاشياء لازم اطلع عينك ولازم تضحك وياك ولازم اتحبك ولازم تضارب وياك عيل تباها تضارب ويا منو؟؟؟؟ ولازم ولازم ولازم
فيا معشر الرجال رفقا بالقوارير
والسموحه منكم وعن يزعلن الحريم ومنكننننننن
– لا تضايق المرأه فإن قلبها كالزجاج إن إنكسر فلا يعود لحالته السابقه أبداً
(((يعني اذا انكسر الزجاج بتم تشرشحك بالاسابيع و الشهور يعني بتم منقرد طول حياتك و بتعايرك انك زعلتها ولو حتى لو يبت لها لبن العصفور مثلج
))
حريم يا ريال شو بتقول خخخخ
واذا ضحكت يعني بتلصق فيك زياده والله يعينك
اشتري ديناميت
يا تفجرهم
او تفجر عمرك
خخخخخخخخخخ
وانته وضميرك
خخخخخخخخ