السلام عليكم … طبعا الكل مستغرب من الموضوع و من الأرقام . الارقام مب للبيع …
الموضوع و مافيه انه البارحه الفجر يتني عدة اتصالات يوم كنت راقد … يوم نشيت على صوت الهزاز كان توه مسكر الخط و ما مداني اشل التيلفون …
المهم … الاتصال كان من رقم 971509999999 + , 971507777777 + …
اتصلت على 77777777 عطاني خطأ في الاتصال …لاكن ما هناني النوم و قلت بتصل في 101…
قلتله في رقمين ينَي ..الي هم 77777777 و 999999999 .. و فتح خط الدوله … قلت اكيد عندكم ثغره الواحد يقدر يتلاعب في الارقام و يحط الرقم الي يباه و يتصل وين ما يبا ….. حتى يوم ارد اتصل اسير عند ال مكالمات التي لم يرد عليها و أعيد الارسال .. يطلع نفس الرقم … قالي لا بما انه في شبكة 777 و 999 فما يمنع انه حد عنده هاي الارقام و يتصلبك … _ جان أستانس .. حسيت أني واحد قووو _
قلتله يعني بالله عليك الحين الساعه 4 الفجر منو ها الي بيتصلبي من هاي الارقام … وفرضا الارقام موجوده فما بتكون عند شخص عادي عشان يتصل الساعه 4 الفجر .. وفي منو عاد ..فيني انا الفقير المسكين ..
واخر حل توصله موظف الاتصالات انه قالي تقدر تروح مركز الشرطه و تشتكي … 
اعتقد اني كتبت الموضوع في القسم الخطأ … يرجى نقله الي المنتدى العام … سبحان الله حد يستويله نفس الموقف .. ولا حد يبا يخسس في حد بيسويله هاي الحركه
للعلمـ فقطـ مافي شبكة بدايتها 777
وكلامـ الشباب صحيح 100%
والله بيني وبينك اول مرة اعرف عن هالاشياء
بس رقم تسعات اعرف ان ريال عارضنة للبيع ورقم وسيطة عندي
شكرا على الافاده .. ..
يعني مافي طريقه اعرف فيها رقم المتصل ؟ ؟ ؟
وهذا اللي كنت بقوله لان اربيعي عنده البرنامج وسوا الحركه جدامي
وعليكم السلام ورحمة الله وبركاته
يآ طويل العمـر ..
هذا برنامج موجود فـ آي فون تحط اي رقم تبغيه ..
بتسـألنـي كيف هالبرنامج .. ؟
هذا البرنامج إذا تبغي تستخدمه لازم تتصل خـاآرج الدولة .. وتحط اي رقم تبغيه مثـآل 971505555555 +
بس انه يحسب لكـ ف الفـاتورة سواء انكـ رديت ع الإتصـال ولا ما رديت
يوم تتصل يعطيكـ الرقم غير مستخدم او خطأ ف الإتصـاآل
…