السلام عليكم ورحمه الله وبركاته
خواتي واخواني
لو سمحتوا عندي استفسار مهم قبل لا ابدا بالاجراءات لاني اول مره اسوي هالشي
انا ناويه اجيب خدامه من الفلبين(بدون مكتب) عن طريق خدامتنا وكثييييير تمدحها وخدامتنا وايد زينه
المهم اريد اعرف الاجراءات:-
اللي عرفته للحين هو
1- اعطيها مبلغ 800 علشان اتخلص الفحص الطبي عندهم
2- اسويلها فيزه من البلاد
3-اسويلها التذكره واجيبها كزائره وبعدين اسويلها عقد عمل
ما اعندي تفاااااصيل عن الاجراءات قياريت اللي متعامل قبل ف هالامور يفيدي لو تكرمتوا وكم كلفتكم كامل لين ما وصلت البلاد
لا تثقين بأي شخص مهمااا كانت الظروف
سبحااان الله يمكن تطلع مش نفس بشكاااااارتكم الاولى رغم انهاااا تعرفهااا زين …
احسن شئ حاااولي تتفقيييين مع اي مكتب
وانت مرتاااحه من الصدعة والمشاكل كلهاا
واشتري راحت بااالج
شوفي تراااا اصابع ايدج مش كلهااا نفس الشئ
نحن يبنا وحده بنفس الطريقة بس ودينا صوره جوازها عند واحد من المكاتب وعطيناه 100 درهم وسوالنا الورقة اللي يبونها في الجوازات
والامور طيبه ما عليك ما يحتاي تييبها بتاشيره زياره وبعدين تحول مر على واحد من المكاتب وبيعطيك الورقه
والله ياختي انا محتاره
بس بشكارتنا اللي بتجيبها وااااااااااااايد زينه وهيه قالت انا اظمنها واعرف اخلاقها انها زينه على كلام بشكارتنا
واللحين انا اصلا ما اعرف شو الاجراءات
فما اعرف الصراحه بشكارتنا اللكل يتمنى حد شراتنا مع انها اول مره تشتغل عندنا
وانا رمستها وقالتلي انها هيه بتعلمها كل شي والحرمه تبا تشتغل
بس انا خايقه انها ما اتقبل لانه اول مره تشتغل وتبا ترجع بلادها
وانت تقدر اصلا اتييبهااا عن طرق المكتب
بتسأل كيف؟؟؟
خليهم يطرشون اورااقهااا لك …
ثم بعد ذلك اتفق مع مكتب انت واااثق فيه احسن شئ وعطهم اوراقهاااا وهم بخلصون الاجراءات لك
وبيكون الامر عاااااااادي
نحن سوينااا هذا الشئ … والحمدالله الامور طيبه
عشااان سبحان الله مع الايام يمكن اتسوي جريمه او تشرد او اي شئ ثاني
مين بيكون المسؤول مش انت اذا كانت عن طريقك
واذا كانت على المكتب بطيح على راااسهم هم
كل اللي قلته عن تجربه … والسموحه منك
امممممم اذكر حد من اهل ربيعتي سوا هالطريقه بس قصوا عليهم ومايت البشكاره ماعرف السبب بس اللي اعرفه انه وايد خسروا بس في عرقله صارت
السموحه ها اللي اقدر افيدج فيه تحذري من انه يغشونج