السلام عليكم
يعطيكم العافيه
اخواني عندي عمـــتي ماتروم تمشي بسبب الظهر (العمود الفقـــري) بغين افضل دكتور موجود او افضل مستشفى بداخل الدولة او خارجها اتمنى من الاخوان اصحاب الخبره والتجربه يفيدوني واذا بغيت ابعثها عن طريق الهيئة في مجال ولا لازم واسطـــــــــــــــــــــــه ؟
وشكراااااااااااااااااااااااااااااا الله يبعد عنكم كل شر ويجزيكم كل خير يارب
اخوي مشكور ع المعلومه بس مستشفيات الابلاد اتخوف والله بس انشالله بسال عنه تسلمممممممممممممممم
والله اخوي موضوع مستشفى خليفه صح كلامك الطاقم رايح فيها لازم واسطه
وتسلم ع المعلومات الطيبه يعطيك العافيه وفي ميزان حسناتك انشالله انا بشوف الترتيب ويمكن اوديها ع احسابنا المانيا لان مثل ماقلت لازم واسطه قويه انشالله برد عليك وانت مابتقصر تسلم
في بوظبي دكتور اسمه ليث باقر في مركز ابن النفيس الطبي
الله يشفي مرضانا ومرضى المسلمين
ياخوي الله يشفيلك العمه ويطولك ابعمرها
انا جربت مستشفى الشيخ خليفه بعيمان عند دكتور مصري معروف بالسي سي والله ما شاء الله عليه
وربي يشفي مرضانا ومرضى المسلمين
والسموحه منك
والله يا اخوي ما اعرف حد داخل الدولة واحذرك بكل صدق واسف في نفس الوقت من علاجها في الدوله ولكن في المانيا توجد كثير من المستشفيات المتخصصه في العظام في ميونخ اشهرهم وفي كولن المستشفى الجامعي koln uni klinikum الاو من كولن عليها نقطتين وهذا من افضلهم وفي واحد في اخن ممتاز وفي غيره في بون يمدحونه بس ماعندي خبر عنه
واذا كانت المشكلة في العمود الفقري انصحك بواحد من الاثنين اما اخن او كولن والاثنين مروا ناس اعرفهم بتجارب فيهم واعتقد والله اعلم بان افضلهم اللي بكولن.
اما العلاج عن طريق الهيئة فما اعتقد انه ممكن من غير واسطة وقوية لان شروط ابتعاث العلاج صعبه وتتطلب تقرير من مستشفى يعترفون فيه مثل توام في العين او خليفه في ابوظبي والاثنين لو شو ما تسوي ما يعطونك التقرير بانهم غير قادرين على العلاج ولو انهم بعيد عنك حمير ومايفهون شي ( هالكلام من تجربه شخصية والي يبا يحسبه يحسبه علي ومستعد اثبته بالتجربه ) اما الحكومه الله يطول بعمار شيوخنا يارب والله مب مقصرين سواء من معدات او كل انواع الدعم بس العيب في الطاقم السم الي كل همهم الراتب واسمه
تريد اي مساعده انا حاظر اقدر اييب لك اسماء المستشفيات في المانيا نظر لضروف تواجدي الطويل فيها
دمت بالف خير