لة تكرمتوا اخواني و خواتي
انا ادور على افضل و احسن استشاري او اخصائي او مركز يعالج الغدد…
المشكلة تعاني منها زوجتي من زمان و ما لقينا الحل و الاعراض كالاتي انتفاخ شديد بالجسم هوا خالي باحد الاطراف دون الاخر…..
ارجوا المساعده….
6 thoughts on “افضل دكتور غدد او مركز لعلاج الغدد بالدولة و خارجها”
Comments are closed.
اشكركم على ردودكم و نصايحكم و تفاعلكم مع موضوعي ….
يزاكم الله الف الف خير …….
بجرب الامريكي و بشوف و بنف الوقت بتواصل مع القنصلية لحجز موعد….
و انشاء الله نلقى علاج اما بخصوص الوسم يالغالي تراه منهي و احسد سمعت حديث بس ما يحضرني ان الوسم محرم او ممنوع او مكروه….
اذا الغده الدرقيه ياخوي كانت حرمة ربيعي مريضه وقالولها لازم عمليه
راحوا ريال فالبريمي ووسمها فرقبتها وشفيت بامر الله ورجعت المستشفى
سوت تحاليل استغرب وقالها مافيج شي اذا تبا رقمه خلني ارجع من السفر
وبييب لك رقمه .. والله يشافي مرضانا ومرضاكم
الله يشفيها ويشفي جميع المرضى
يمدحون المستشفى الامريكي فدبي
جربوا تسيرون ان شالله الله يشفيها
موفق ياخوي والله ايسرلكم باذن الله
السلام عليكم الاخ بوشيخه
نفس الاعراض كانت عند الوالد وتعب علينا وايد وديناه اكثر المستشفيات في البلاد وما نفع معاه .ما عرفوا يضبطون الجرعه.المهم حجزنا على المانيا عند دكتور معروف في السفاره وكان الصراحه ممتاز وعالج الوالد والانتفاخ الي في جسمه كله راح رفه الجرعه للدواء الين ما ضبط الجرعه المناسبه.
هذا العنوان ولو تحتاي اي شي اقدر اساعدك فيه انشاء الله ما بقصر
Klinikum der universitat munchen
Medizinische klinik – Innenstadt
Prof.Dr.Roland Gartner
اتصل بالقنصليه في ميونخ وخلهم ياخذون لك موعد عند الدكتور
,السلام عليكم ورحمه الله وبركاته