السلام عليكم

حبيت أسأل عن أرائكم الشخصية في السيارة “” طوارق “” لاني ناوي اشتريها ان شاء الله.. بصراحة هي على الشكل ما عليها كلام بس اللي ابي اعرفه اذا فيها عيوب وما هي احسن مميزاتها.. وشو الفرق بين 6 سلندر و8

ولكم خالص الشكر

19 thoughts on “أبي اشتري فولكس واجن “” طوارق “” شو رايكم؟؟”

  1. السلام عليكم

    الغالي و الله عن نفسي ما انصحك فالطوارق … قطع غيارها ناااااااااار

    تخيل الجامبينات الأماميه فقط بـ 9000 درهم طبعا هيدروليك .. و العادي بـ 6000

    و ترا سعر قطع غيارها شرات البورش ما تفرق الا شي بسيط بس … بس اقل ما فيها اسمها بورش … مثلا جامبينات البورش الأماميه بـ 9500 … و الطورارق بــ 9000 … يعني الفرق 500 درهم فقط

    و تبا الصدق شكلها موب مقنع وايد .. هذا رايي

    و ترا صيانة الطوارق تكلف نفس صيانة البورش و ترا من وايد من قطع البورش تركب عالطوارق و العكس صحيح (القطع الميكانيكيه)

    نصيحه خذ بورش كايين سياره تكرف و تتحمل و فخمه و لها احترامها فالشارع و توه الشكل اليديد … وحده عند خالي ماشيه 257,000 ما شاء الله ما تشكي من شي …

    و ربي يوفقك الغالي

  2. يا ريال طوارق شووو انت بعد … اتحداك لو حد عنده طوارق و نصحك تاخذها… كلها خراب ب خراب و يوم بتي اتبيعها هنيه عاد المصيبه و الله لو دافع فيها مليون و تعال بيعه ان يابلك ثلث القيمه لك اللي تباه …

    و بعدين ليش ما اتلاحظ ان الناس عافو الطوارق ؟؟ ليش خفت وايد عقب ما انتشرت ف 2006 و 2005 ؟؟ لأن كلها خرابات و صيانتها غاليه .. و حتى الشكل و المواصفات و الله انهن ترا

    و عالعموم الله يوفقك

  3. عزيزي هيرو الطوارق سياره انتشرت لفترة واختفت اسرع من انتشارها ،،بالنسبه لي ماجرتها لكن ماظنها اختيار مناسب وفي كل الاحوال انتظر لين السياره تنزل وعقب احكم بنفسك ،، لو ميزانيك في حدود 250 عليك بالكايين 6سلندر اليديده لو استاندر أفضل فور ويل الماني
    ،، الله يوفقك أخوي

Comments are closed.