السلام عليكم …
شحالكم أخواني ؟! أخباركم ؟!
شحالكم أخواني ؟! أخباركم ؟!
حبيت اليوم آخذ أرائكم و تجاربكم بخصوص محلات الخياطة الرجالية في الإمارات ..
المشكلة اني كنت افصل دايما عند محل عندنا ، بس للأسف الشديد
سكروا المحل و الحين محتار وين اسير و وين افصل !
حبيت انكم اتفيدوني بأفضل خياط في دبي او الشارجة …
نصحوني بالنوخذة اللي في دبي او المشير , العربي الممتاز , الكشخة ، السيوفي , الثوب الوطني ….الخ
ياريت لو كل واحد يقول لنا من وين يفصل و شو رأيه في خدمتهم و خياطتهم ، ابى خياط عنده اقمشه حلوه (خفيفه أو ثقيله) و خياطته تكون ممتازه و يا ليت تخبروني بأسعاره (تقريبا يعني)
تحياتي للجميع ..
ان اخيط عند العربي الممتاز
ولاكن واحد من ربعي مدحلي الطواش
لانه العربي رقعته طيبه بس عيبهاا انهاا حاره
بس نسيت اسم الخامه الي فطواش بس وبردلك خبر
عن نفسي عند العربي الممتاز ماخيط عند غيره
انا خطفت على أكثر الخياييط
العربي الممتاز … والمشير اللي في دبي … والثوب الوطني في دبي .. وجبل عرفات اللي في دبي ..
والدفّة اللي في بوظبي ..
والاسعار تعتمد على الخامه .. والتفصيل
المشير اسعاره تقريباً 180 – 190 – درهم للكندورة
الثوب الوطني 170 درهم للكندورة العربية تقريباً
الدفّة 190 درهم للكندورة العربية
العربي الممتاز يعتمد على الخامه … شي ب 180 درهم او 160 درهم … وشي 240 درهم
وشي 350 و 380 درهم
جبل عرفات تقريباً 180 درهم للكندورة
ولا تنسى شي خامات غالية وشي خامات رخيصة ….
ماشي غير العربي الممتاز .. حاولت اغير ماشي فايده
هو الوحيد الي يضبط الكنادير ..
اسعاره غاليه لكن هو الي فيهم
عن نفسي اخيط عند خياط التلال فالشارجه وفرع فعيمان الصراحه معامله ولا اروع وخلق فنانه ويوم تخلص كناديرك يطرشلك مسج وعنده تفصيل نعله وعقله شامل يعني كلشي انصحك فييه الفرع الي فعيمان الشيخ راشد بن حميد يفصل عندهم وربي يوفقك ..