مرااااااااحب
الموضوع وما فيه انني من عشاق شيء اسمه (( ريوق )) بالعاميه (( الإفطار )) بالفسحه ..
يعني ما عندي أي مشاكل ممكن أتريق مرتين ما شاء الله عليه …
في البدايه في البيت (( خمير أو جباب أو محلا مع بيض وجبن + بلاليط أو لوبيا أو نخي أو باجلا ))
طبعا” كل يوم غير عن الثاني … إمسوين جدول حق الطباخ …
وبعد ذلك الساعه 10 أي كوفي شوب (( كرواسون + كافيه لاتيه أو موكاتشينو أو عصير برتقال ))
الريوق الثاني يكون خفيف طبعا” …. وأنا من محبين الكرواسون وجربته كذا مكان ورسيت في النهايه
على ثلاث أماكن (( جيرارد كافيه + بيكريا محطة الامارات + المخبز الفرنسي … )) 
كرواسون جبن
موكاتشينو
طبعا” أنا ما كتبت لكم الموضوع عبث … أي واحد أو وحده من دبي أو من خارج دبي …
بس جرب كرواسون وطلع عجيب يذكر لي المكان وين بالضبط وانا بروح اجربه … 
كوفي شوب ” تاستاروسا ” في مركز دبي المالي العالمي DIFC
عندهم كرواسون لذيييييييييذ
و مطعم وكوفي شوب “poul” في مركاتو وسيتي سنتر ومول الامارات والقرهود…كل خبزهم وحلوياتهم
رووووووووووووووووعة … وكمان الكرواسون لذيذ
جرب ها المكانين اخوي لامع…وادعيلي ” مش تدعي عليّ ” لوووول
صحتيـــــــــــــــــــــــن
بو سيف الشامسي = الله يعافيك ..
دنيا = أبا شيء يديد .. البارحه أكلت منه ..
قناص دبي = مال الجمعيه جربته عجيب وبجرب مال مخبز الريف … ما شاء الله عليك طلعت فاهم ..
وتــوني ماكل من ساعه كرواسون شوكليت …
انا الاماكن اللي جربتها واشــوفها اوكيه مكانين …
مخبز الطاحونه الذهبيه …داخل جمعيه الصفا …
ومخبز الريف اللبناني في الصفا بعد ..حذال مطعم كل واشرب ….
جربهــم …وان شــاء الله بيعجبـــونك …..
لا ماركيز المخبز الفرنسي مالك غيره…
هني وعافية
بس لا تكثر منها ترا فيها نسبة زيت عالية