احتاج نصيحه اهل الخبره في البورش كاين 2011

26 thoughts on “احتاج نصيحه اهل الخبره في البورش كاين 2011”

1. للعلم قبل العيد كانت عندهم عدة سيارات مب محجوزه في دبي ويمكن تلاقين الطلب جاهز

   مع العلم انا طلبت لاحد الاخوه فوول اوبشن ب 380000

2. بتحتاجين الكاميرا الخلفيه فقط و الفتحه العاديه لان البنوراما تخترقها الشمس وتكون السياره حاره من الداخل ورنجان عشرين لان الرنجات 21 كبار وطبعا مابيسلمن الارصفه والرنجات 19 مب حلوات وداخل السياره مابتحتاجين تبريد للكراسي لانه ماينفع واختاري اللون البني من الداخل مثل الشاي الكرك لانه مايتوسخ وخاصه من العباه لان الالوان الفاتحه تبين الوساخه فيها وحتى الاسود جميل من الداخل وهذي المواصفات الضروريه وبتطلع السياره حسب علمي بهذي المواصفات ب 320000 او اقل طبعا هذي فئة s
   والالوان الخارجيه كثيره واحلاها الابيض والذهبي والاسود
   وبالتوفيق واي معلومات اضافيه انا حاضر على الخاص

3. اول شي الفئه شو تبين ؟ انصحج بالاس 8 سلندر
   المواصفات بذكرهن لج حسب خبرتيه وانتي شوفيهن لو تحتاينهن ولالا
   1- اللون : المميز الابيض – الملكي الاسود – العنابي صبغه الجي تي اس – السموك
   2- الرنقات : خذي رنقات 21 سبورت اديشن او رنقات التوربو بعد 21
   3- طلبي علامه البورش على الرنقات
   4- الكراسي عندج السبورت او العاديات وطبعا ان بغيتي السيتات لون ارخص عن اللونين واذا بتطلبين اللونين انصحج بالكشميري عشان العباه ماتخيس السيتات المهم تاخذين لون غامج عشان مايخيس
   (المواصفات الخارجيه)
   5- الدواسات
   6- كيمرا جدام وورا
   7- تسخين السكان
   8- الصقف باناروما (ماعرف اكتبها خخخ )
   9- شدات
   10 – عندج خيارات التصبيغ اذا تبين تخلين الموتر كله لون واحد ولا لونين مثل الرفارف والجناح والمدقار ..ألخ
   (خيارات المكينه والسستم)
   1- السستم باك
   2- تانكي 100 لتر
   3- انواع البريكات اغلاهن السراميك ويوصل 26 وفي الاقل .. والاقل

   (خيارات داخليه)
   1- الليتات الداخليه
   2- الرادار
   3- تسخين الكراسي او تبريد
   4- الوان الاحزمه والعداد والبوصله
   5- الطفايه
   6- الشبك الخلفي واللي على الجامات
   وعاد تبين من داخل فايبر كاربون او المنيوم او خشب وفي مواصفات اكثر شوفي شو تحتاين وشوفي بعد هنيه هالموقع تقدرين تسوين البورش على كيف كيفج وكل شي مفهوم وعليج بالثري دي بيوضح لج اكثر

   واحسن وكيل والله كلهم والخيبتين في التعامل بس خذي الاقرب لج النابوده ولا علي
   النابوده دبي وعلي العين وبوظبي .. وما اعتقد تلقين بدون حجز ولازم ترقبين لين توصل بس يمكن تلقين حد مكنسل حجزه والموتر في الوكاله بس مايكون على المواصفات اللي تبينها او يكون زايد بمواصفات انتي ماتبينها فهمتي ؟
   هذا اللنك :

   Porsche Car Configurator

4. انا ان شاء الله بسير الوكاله بس حبيت اخذ شور اللي عندهم خبره بالمواصفات المفيده

5. نصيحة أختي سيري الوكالة

   و شوفي يمكن يكون شي عروض

   و انتي هناك بتستفسرين عن كل شي

Comments are closed.