إخواني ترى آنا لا تاجره ولا لي في الأرقام والسالفه كالآتي:-
عندي رفيجتي في الدوام وأصلها من إحدى دول مجلس التعاون، من أكثر من سنه سلفتها 20 ألف لمساعدتها في موظوع عائلي…..المهم من هذاك اليوم وللحين ردت لي فقط 8 آلاف درهم!!!
وقبل إسبوعين فنشوها من عندنا في الدوام، وقررت ترجع بلادها، ولما شفت ورقة براءة الذمه مالتها عندنا في القسم رفضت اوقعها لين تدفع الي عليها، قالت ما عندي كاش بس بعطيج سيارتي لأني مسافره وما بحتاجها وتصديرها وجماركها ما تسوى قيمتها!!
سألت عن السياره وهي هوندا موديل 93 قالولي ما تسوى إلا 5 آلاف!!! قلت يالله شي من البلا ولا كله وأظمن 5 آلاف بإيدي أحسن من ولا درهم.
رحنا المرور عشان تتنازل عن السياره لإسمي فطلبوا زوجها لأن السياره بإسم زوجها، إنتظرنا الزوج كم يوم لين فظى وجا معانا، لكن الظابط ما وافق عالتنازل لأن الرقم ماشي تنازل عليه!! أما السياره عادي!! رفيجتي قالتله الرقم عندنا من زمان وليش الرقم ماشي تنازل عليه؟! قالها لأنه شوي مرتب ويمكن إنتي أصلا بايعه الرقم مش السياره!!! فهمته السالفه وقالتله ساعدنا مارضى!!قالت له ما أبي الرقم قالها رجعيه للمرور وهم بيتصرفون فيه!! ولما إنتبهنا للرقم طلع على هالشكل 14414 أزرق!!
الحين رفيجتي قالت خذي السياره بالرقم لأنج ما قصرتي معانا قبل وإبريني الذمه بس دبري التنازل!!
آسفه صدعت راسكم بس هل يسوى الرقم مع السياره 12 ألف درهم؟ أو 7 آلاف درهم للرقم لأن السياره قالولي ب5 آلاف؟!
وهل ممكن مساعدة أي منكم إخواني في التنازل؟!
شكرا لكم مقدماً
بسيطه بالواسطه اللي بتدبر , خليها تتنازل لج إنتي ..
و إنتي إرجعي تنازلي للشخص اللي بيشتريه , لأن التنازل ما يكلف غير 100 أو 200 فقط !!
و الواسطه تراها نفس الواسطه اللي لينت الموضوع و مشت معاملة إنها تتنازل لج
و نصيحه .. ادخلي قسم بيع وشراء ارقام السيارات
بتشوفين موضوع مثبت ( تقييم الارقام ) بقيادة مشرف القسم ( حبيب الكل ) وهو بيقيم لج الرقم
إخواني والله ما كان في نيتي المتاجره بالرقم بس كل الردود تبين لي إن الرقم يسوى!!!!! وانا بغيت التنازل عشان أرد حقي وجاني الرقم نصيب ببلاش، فيا ريت حد يساعدني في التنازل.
لو درت رفيجتي إن رقمها يسوى هالكثر بترد في بيعتها للرقم مع السياره وبيضيع حقي!! ولو قلتلها تنازلي عن السياره لي والرقم لشخص ثاني بتقولي ما ببايعج وإنتي تبين تستفيدين من وراي والرقم يسوى!!!
ساعدوني ربي يخليكم!!!
السلام عليج اختي اذا بتبيعين السياره والرقم 12 الف انا شراي وبشغل الواسطه عسب التنازل فكري وهذا اميلي ردي على الخاص laoob@hotmail.com ولج مني التحيه
ما زلت بإنتظار ردودكم الطيبه يالطيبين
ربي صلي على محمد وآله وصحبه أجمعين
موفق بإذن الله … لك مني أجمل تحية .