مرحبا اخوني
من خلال تجاربكم وخبراتكم
اود ان تدلوني على عناوين وتلفونات افضل مكاتب تخلص لي فيزا الشنغن والبريطانيه
في عجمان او الشارقه او دبي
بوقت قصير وبطلبات بسيطه وباسعار معقوله
بانتظار ردودكم القيمه والمهمه بالنسبه لي
7 thoughts on “افضل مكاتب تخلص فيزا الشنغن والبريطانيه”
Comments are closed.
عن فيزة الشنجن مادري عنه ,,,,,
اما بخصوص فيزة بريطانيا لأني سويتها من يومين علشان بسير لندن عقب العيد انشالله لازم اتسير بنفسك السفارة البريطانية (علشان البصمة والصورة) مكانه في دبي مقابل نادي النصر او بوظبي في الخالدية …
الي انا سويته….
ادخل http://www.vfs-uk-ae.com
عن طريق النت سهل جدا….راح توفر مبلغ الطباعة للنموذج لانه تقريبا 9 ورقات لازم اتعبيها سو برينت اوت للنماذج الي تباهن وعبيهن وعقبها خذ موعد في دبي وبتخلص الاجراء خلال نصف ساعة او اقل ..وعقبها بتتريا كم يوم لاستلام الجواز في البيت عن طريق الامبوست….
والسموحة عن فيزة الشنجن
و بعدين ياخوي،
دامك طرحت موضوع الإستفسار، فإنتظر الإجابه من الأخوان.
مافي داعي ترفع كل المواضيع القديمه المتعلقه بـ الفيزا و تطرح إستفسارك فيها.
إقراها و إستفيد منها فقط، دون رفعها.
إذا تبغيها لك و لعايلتك،
فـ مافي داعي تسير مكتب، سر سفاره من سفارات الإتحاد الأوروبي، و طلّع فيزة الشنجن.
تسلم اخوي عبدالرحمن
ننتظر مشاركة الاخوان المجربين
موفق بإذن الله … لك مني أجمل تحية .